अमळनेरवासियांना आपल्या तालुक्याचा खासदार असल्याचा फायदा मिळतोय ! प्रगतिशील महाराष्ट्र प्रदर्शन पाहुन आमदार अनिल पाटील यांनी केला खा. स्मिताताई वाघ यांचा गौरव !

अमळनेर, प्रतिनिधी

आपल्या तालुक्याचा खासदार असल्यावर काय फायदा होतो हे अमळनेरवासियाना या केंद्रीय प्रदर्शनाच्या निमित्ताने स्मिताताई वाघ यांनी दाखवून दिले आहे. या प्रदर्शनात कृषी, हस्तकला, नाबार्ड, आटोनॉमिक एनर्जी, डिफेन्स, आई आई टी असे सगळे विभाग सहभागी झाले होते. आपली मुले नेव्ही, एयरफोर्समध्ये कसे जाता येईल याची माहिती या ठिकाणी मिळाली, हे पाहुन आमच्या गावचे नागरिक आनंदि झाले, असे गौरवोद्गार आमदार अनिल दादा पाटिल यांनी काढले.

खा. स्मिताताई वाघ यांच्या मार्गदर्शन आणि मार्गदर्शनाखाली दिल्लीच्या फ्रेंड्ज एक्झिबिशन एंड प्रमोशनच्या वतीने अमळनेर येथील कलागुरु मंगल कार्यालयात शुक्रवारी आयोजित तीन दिवशीय प्रगतिशील महाराष्ट्र 2026 या प्रदर्शनाच्या समारोप कार्यक्रमात ते बोलत होते. यावेळी मंचावर खा. स्मिताताई वाघ, पारोळा - एरंडोलचे आमदार अमोल दादा पाटील, भाजपच्या प्रदेश सचिव भैरवीताई वाघ-पलांडे, माजी सभापती दिनकर पाटिल, डॉ. अनिल शिंदे, डि. जी. पाटील, एरंडोलचे नगरध्यक्ष नरेंद्र ठाकुर, चेतन राजपूत, लालचंद सैनानी, सुरेश पाटील, के. बी . साळुखे, कपिल पाटील, नितिन पाटिल, संजू तात्या पाटील, अमोल चव्हाण, भारती सोनवणे, जिजाबराव पाटील, राहुल पाटील, योगेश महाजन, कलागुरु ग्रूपचे पंकज गोकलाणी आदिंची उपस्थिती होती.

या मान्यवरांच्या उपस्थितीत प्रगतिशील महाराष्ट्र 2026 प्रदर्शनाचा पारितोषिके वितरणाने समारोप करण्यात आला. या प्रदर्शनाला तीन दिवसात साडे बारा हजराहूंन अधिक, विद्यार्थी, शिक्षक, सरकारी अधिकारी, शेतकरी आणि सामान्य नागरिकांनी भेट दिली.

यावेळी बोलताना आयोजिका खा. स्मिताताई वाघ म्हणाल्या की, अमळनेर सारख्या शहरात केंद्र व राज्य शासनाच्या योजना आणि उपक्रमांचे प्रदर्शन भरविने हे थोडेसे अवघड होते. कारण तालुक्याच्या ठिकाणी केंद्रीय पातळीवरचे वरिष्ठ अधिकारी यायला फ़ारसे उस्तुक नसतात. पण माझ्या तालुक्यातील लोकांना केंद्र पातळीवरचे लोक आले पाहिजेत म्हणून चार महिन्या पासून मी प्रयत्न करीत होते. आज मला सांगायला आनंद वाटतो की तीन दिवसात या प्रदर्शनाला बारा ते तेरा हजार लोकांनी भेट दिली.

आपले मनोगत व्यक्त करताना पारोळा आमदार अमोल दादा पाटील म्हणाले की रस्ता, गटर आणि लाईट सोडून सरकार काय काय उपक्रम राबविते, हे पाहुन थक्क करायला लावणारे प्रदर्शन स्मिताताईंनी भरविले होते.

प्रारंभी दत्ता थोरे यांनी प्रस्ताविक केले. संजय पाटील यांनी कार्यक्रमाचे सूत्रसंचालन केले तर अखिला श्रीवासन यांनी आभार मानले.

निवडक सरकारी विभागांना उत्कृष्ठ सादरीकरणासाठी पारितोषिके देऊन केले सन्मानित !

या प्रदर्शनात सर्वोत्कृष्ठ सादरिकरनासाठी विविध सरकारी विभागाना सन्मानचिन्ह देऊन पुरस्काराने गौरविन्यात आले. यामध्ये बेस्ट स्टॉल : यंत्र इंडिया लिमिटेड, रक्षा उत्पादन एवं आत्मनिर्भरता के लिए म्यूनिशन्स इंडिया लिमिटेड. इनोवेशन हब बेस्ट स्टॉल : भारतीय प्रौद्योगिकी संस्थान मुंबई, वित्तीय साक्षरता बेस्ट स्टॉल: भारतीय रिज़र्व बैंक, संचार एवं नवाचार बेस्ट स्टॉल : महाजेनको. ऊर्जा क्षेत्र में रचनात्मक सादरिकरण बेस्ट स्टॉल: महाराष्ट्र राज्य विद्युत वितरण कंपनी लिमिटेड (महावितरण), परमाणु ऊर्जा के प्रचार-प्रसार बेस्ट स्टॉल: न्यूक्लियर पॉवर कॉर्पोरेशन ऑफ इंडिया लिमिटेड (NPCIL), गुणवत्ता व ज्ञान प्रसार बेस्ट स्टॉल: भारतीय मानक ब्यूरो (BIS), डिजिटल गवर्नेंस बेस्ट स्टॉल: राष्ट्रीय ई-गवर्नेंस प्रभाग (NeGD) व इलेक्ट्रॉनिकी एवं सूचना प्रौद्योगिकी मंत्रालय (MeitY), डिजिटल समावेशन वं भाषा प्रौद्योगिकी बेस्ट स्टॉल: डिजिटल इंडिया–भाषिणी प्रभाग. संवादात्मक सादरिकरण: महाराष्ट्र राज्य विद्युत पारेषण कंपनी लिमिटेड (MAHATRANSCO), पारंपरिक चिकित्सा के प्रचार-प्रसार बेस्ट स्टॉल: केंद्रीय सिद्ध अनुसंधान परिषद (CCRS) व आयुष मंत्रालय. वैज्ञानिक नवाचार बेस्ट स्टॉल: वैज्ञानिक एवं औद्योगिक अनुसंधान परिषद (CSIR). लोक संवाद बेस्ट स्टॉल मध्ये भारतीय स्टेट बैंक (SBI), भारतीय चाय बोर्ड (Tea Board of India) तथा भारतीय रेलवे खानपान एवं पर्यटन निगम लिमिटेड (IRCTC) यांना स्मृतिचिन्ह देऊन गौरविन्यात आले.