धडाडीचे महीला नेतृत्व, अनुभवाची साथ – प्रभाग 17 अ मध्ये स्वप्ना विक्रांत पाटील यांची दमदार प्रचारयात्रा सुरू!”

“धडाडीचे महीला नेतृत्व, अनुभवाची साथ – प्रभाग 17 अ मध्ये स्वप्ना विक्रांत पाटील यांची दमदार प्रचारयात्रा सुरू!”

अमळनेर प्रतिनिधी (ईश्वर महाजन) – अमळनेर नगरपरिषद सार्वत्रिक निवडणूक 2025 मध्ये प्रभाग 17 अ मध्ये राजकीय समीकरणांना नवे वळण देत, समाजसेवा आणि विकासाची ओळख असलेल्या सौ. स्वप्ना विक्रांत पाटील या दमदार उमेदवार म्हणून पुढे आल्या आहेत.
धडाडीचे व्यक्तिमत्त्व आणि लोकाभिमुख काम करण्याची वृत्ती यामुळे स्वप्ना पाटील प्रभागात वेगाने लोकप्रिय होत आहेत. त्यांच्या मागे माजी नगरसेवक विक्रांत भास्करराव पाटील यांचे अनमोल मार्गदर्शन असल्याने, त्या अनुभवी पावले टाकत प्रभागाच्या सर्वांगीण विकासासाठी कटिबद्ध झालेल्या आहेत.
विक्रांत पाटील यांचा जनसंपर्क, विकासकामाचा वारसा आणि तळमळीची कार्यपद्धती—याच पावलावर पाऊल ठेवत स्वप्ना पाटील महिला, युवा, ज्येष्ठ नागरिक आणि सर्व समाजघटकांशी थेट संवाद साधत आहेत. महिलांच्या समस्या, मुलांच्या सोयी-सुविधा, पायाभूत सुविधा, स्वच्छता, सुरक्षितता अशा महत्वाच्या मुद्द्यांवर त्या विशेष लक्ष केंद्रीत करत आहेत.

प्रभाग 17 अ मध्ये स्वप्ना पाटील यांच्या उमेदवारीने उत्साहाचे वातावरण निर्माण झाले आहे. सर्व समाजघटकांकडून त्यांना मोठ्या प्रमाणावर प्रतिसाद मिळत असून, अनेक ठिकाणी महिलांचा आणि युवकांचा विशेष उत्स्फूर्त पाठिंबा पाहायला मिळत आहे.

माजी नगरसेवक विक्रांत पाटील म्हणतात,
“हा प्रवास जनतेचा आहे! स्वप्ना पाटील या सक्षम, सजग, आणि सर्वांसाठी नेहमी उपलब्ध राहणाऱ्या उमेदवार आहेत.”
प्रभाग 17 अ मध्ये आता ही निवडणूक फक्त स्पर्धा राहिलेली नाही—
ती नव्या विकासाची, सुरक्षिततेची आणि उज्ज्वल भविष्यासाठी सुरू झालेली शक्तिशाली चळवळ बनली आहे.