उच्चशिक्षित, सक्षम आणि प्रेरणादायी महिला नेतृत्व – प्रभाग 3 ‘अ’ मध्ये पूजा रमेश शिंदे-सिंधीला मतदारांचा पाठिंबा

उच्चशिक्षित, सक्षम आणि प्रेरणादायी महिला नेतृत्व – प्रभाग 3 ‘अ’ मध्ये पूजा रमेश शिंदे-सिंधीला मतदारांचा पाठिंबा

अमळनेर प्रतिनिधी (ईश्वर महाजन) – येऊ घातलेल्या नगरपरिषद निवडणुकीत प्रभाग क्रमांक 3 ‘अ’ (अनुसूचित जमाती महिला राखीव) मधून शिवसेना (एकनाथ शिंदे गट) तर्फे उमेदवारी दाखल केलेल्या पूजा रमेश शिंदे-सिंधी या उच्चशिक्षित, सक्षम आणि प्रेरणादायी महिला उमेदवाराची शहरभर चर्चा रंगली आहे.

दोन प्रभावी समाजांना जोडणारे त्यांचे व्यक्तिमत्त्व, शिवराज्याप्रती निष्ठा आणि लोकसेवेची तळमळ यामुळे त्यांचा उमेदवारी फॉर्म भरल्यापासूनच प्रचंड उत्साह दिसून येत आहे.

शैक्षणिकदृष्ट्या सक्षम पूजा शिंदे:

• B.A., M.A., M.Sc., B.Ed अशी भक्कम शैक्षणिक पात्रता
• टायपिंग (इंग्रजी, मराठी, हिंदी), शॉर्टहँड (Steno-English 60/80), MS-CIT या कौशल्यांमुळे तांत्रिकदृष्ट्याही अत्यंत सक्षम
• शिक्षण व कौशल्याचा मेळ प्रभागाच्या कामकाजात प्रामाणिकता, व्यवस्थापन आणि कार्यक्षमतेचा उच्च दर्जा आणेल

💠 पारधी समाजाचा वारसा आणि नेतृत्वगुण

पारधी समाजाची कन्या म्हणून पूजा शिंदे यांचे व्यक्तिमत्त्व शिवराज्याच्या शौर्यपरंपरेशी जोडलेले आहे.
इतिहासातील पारधी समाजाने जंगलात राहून जीवावर उदार होऊन छत्रपती शिवाजी महाराजांच्या स्वराज्याची सेवा केली.
या वारसामुळे त्यांच्यात चिवटपणा, प्रामाणिकता, धैर्य आणि संकटांशी लढण्याची वृत्ती जन्मतः आहे.
त्यामुळे त्या या प्रभागासाठी निडर, पारदर्शक आणि तडफदार नेतृत्व देऊ शकतात, अशी नागरिकांची भावना आहे.

💠 विवाहानंतर दोन्ही समाजांमध्ये पूल तयार

विवाहानंतर पूजा शिंदे सिंधी समाजाच्या संस्कृतीत रमल्या आहेत.
पत्रकार व हिंदू प्रेमी पंकज बलराम सिंधी यांच्याशी विवाहामुळे त्या दोन समाजांना एकत्र आणणारा पूल ठरत आहेत.
त्यामुळे दोन्ही समाजांतून त्यांना प्रचंड पाठिंबा मिळत आहे.

💠 महिला सक्षमीकरण आणि सेवा भाव

पूजांना “लाडकी बहीण” या राज्यातील महत्त्वपूर्ण योजनेची सखोल जाण आहे, जी मुख्यमंत्री एकनाथ शिंदे यांनी सुरू केली आहे.
त्यांच्या मते, प्रभागातील पात्र महिलांपर्यंत ही योजना पोहोचवणे हे प्रमुख प्राधान्य असेल.
महिलांच्या हक्कांसाठी आणि सक्षमीकरणासाठी पूजांचे काम कौतुकास्पद ठरेल, असा विश्वास महिला मतदारांमध्ये निर्माण झाला आहे.

💠 सेवा भाव आणि लोकांशी नाते

पूजा ताईंचा सेवाभाव ही खरी ताकद आहे. अनेक संकटांतून न डगमगता उभे राहण्याची त्यांची वृत्ती जनतेला भावते.
‘हार मानणे माझ्या स्वभावात नाही,’ असे म्हणणाऱ्या पूजाताई घरातील जबाबदाऱ्या आणि समाजसेवा दोन्ही सांभाळत नेहमीच लोकांमध्ये राहिल्या आहेत.
कुटुंबाची आणि समाजाची सेवा करण्याची त्यांची वृत्ती आता प्रभाग 3 ‘अ’ मध्ये जनतेच्या सेवेत उतरली आहे.

💠 मतदारांचा विश्वास आणि नवा अध्याय

सौ. पूजांनी आपल्या उमेदवारीविषयी सांगितले:

“प्रभाग क्रमांक 3 माझ्यासाठी केवळ क्षेत्र नाही, ते माझं स्वराज्य आहे. स्वराज्यासारखीच सेवा आणि निष्ठा मी या वार्डासाठी देणार आहे.”

स्थानिक नागरिकांच्या प्रतिक्रियेनुसार, शिक्षण, संस्कार, दोन समाजांचे ऐक्य, पारदर्शक कामकाज आणि सेवा करण्याची तळमळ या सर्व गुणांमुळे पूजा रमेश शिंदे-सिंधी या प्रभागातील सर्वाधिक प्रभावी उमेदवार ठरत आहेत.

पारधी समाजाची शूर कन्या आणि सिंधू संस्कृतीची गौरवशाली सून म्हणून, पूजा रमेश शिंदे-सिंधी प्रभाग 3 ‘अ’ मध्ये परिवर्तन, विकास आणि लोकसेवेचा नवा अध्याय लिहिण्यास सज्ज झाल्या आहेत.