सत्ता-संघर्षाच्या सावटाखाली शेतकरी, कर्मचारी आणि सामान्य जनता पिचली!

सत्ता-संघर्षाच्या सावटाखाली शेतकरी, कर्मचारी आणि सामान्य जनता पिचली!

महाराष्ट्रात राजकारणाचे तापमान आता उकळत्या पातळीवर पोहोचले आहे. एकीकडे पंचायत समिती, जिल्हा परिषद, नगरपालिका, महानगरपालिका निवडणुकांचा तमाशा चालू आहे, तर दुसरीकडे राज्यात अवकाळी पावसाने शेतकरी उध्वस्त झाले आहेत. शेतकऱ्यांची मेहनत पावसात बुडाली, पीक नष्ट झाले, कर्जाची दहशत वाढली, आणि सरकार मात्र या लोकांच्या दुःखाकडे कानाडोळा करत आहे.
प्रहार संघटनेचे अध्यक्ष बच्चुभाऊ कडू यांनी राज्यभर शेतकऱ्यांसाठी आंदोलन उभे केले. लाखो लोक सहभागी झाले, मात्र मुख्यमंत्री फडणवीस यांनी तात्काळ दखल का घेतली नाही? जर 2026 मध्ये आंदोलन यशस्वी झाले असते, तर शेतकऱ्यांना लगेच कर्जमाफी मिळाली असती. पण राज्याचे नेतृत्व जनतेच्या वेदनेला झटकून फेकत राहिले. लोक विचारत आहेत – “राज्यभर आंदोलन वाया गेले का? मुख्यमंत्री का इतके उदासीन आहेत?”

तेवढेच नाही, तर शिक्षक आणि कर्मचारी वर्ग सध्या ओलांडत आहेत, पण सरकार कानउघळलेले नाही. 1 नोव्हेंबर 2005 पूर्वी नियुक्त आणि टप्प्याटप्प्याने अनुदानावर आलेले 26,000 कर्मचारी अजूनही पेन्शन मिळवण्याची वाट पाहत आहेत. तत्कालीन मुख्यमंत्री एकनाथ शिंदे यांनी पेन्शन देण्याचे मान्य केले, तरीही आजही या कर्मचाऱ्यांना त्यांचा हक्क नाही मिळाला.

सेवानिवृत्त कर्मचाऱ्यांना पेन्शन न मिळाल्यामुळे त्यांना वयोवृद्ध असतानाही रोजंदारी करावी लागत आहे. सरकार सुप्रीम कोर्टाच्या तारखेला भिंत दाखवत बसले आहे. हे कर्मचारी 2005 पूर्वी नोकरीत होते, शासनाचे पैसे वाचवले, बिनपगार काम केले, तरीही त्यांना न्याय मिळत नाही! हे अन्याय आहे, सरकारला जनतेकडे बघण्याची वेळ आली आहे. शिक्षक, आमदार आणि पदवीधर आमदार प्रयत्न करत आहेत, पण सत्ताधारी आमदार ऐकायला तयार नाहीत. जनतेला विचारायचं आहे – असं काय चाललंय? पेन्शनप्राप्त कर्मचाऱ्यांसाठी रस्त्यावर उतरून आवाज उठवायला भाग पडले पाहिजे.

शेतकऱ्यांच्या मालाला अद्याप हमीभाव नाही. कर्जमाफी फक्त भाषणांपुरती आहे. अवकाळी पावसाने झालं नुकसान कोण भरून काढणार? लोकांचा राग दिवसेंदिवस वाढतो आहे.

राज्याचा अर्थकारण आणि शेती दोन्ही डगमगत असताना, राजकारणी निवडणुकांच्या तयारीत गुंतलेले आहेत. जनता विचारते –
“सत्तेच्या राजकारणाच्या कोंडीत आमच्या समस्या कुणी सोडवणार?”

महाराष्ट्राला हवे आहे असं नेतृत्व जे जनतेच्या वेदना समजून घेईल, निर्णय घेईल आणि तत्काळ कृती करेल. अन्यथा, सत्तेचा खेळ चालू राहील, आणि जनतेला पिचून टाकले जाईल.

—

लेखक: ईश्वर आर. महाजन
पत्रकार, अमळनेर
मो.: 9860352960