“सरकारचे धोरण हेच शेतकऱ्यांचे मरण” — नीम येथे शेतकरी जागृती अभियानात विविध सामाजिक प्रश्नांवर थेट चर्चा

“सरकारचे धोरण हेच शेतकऱ्यांचे मरण” — नीम येथे शेतकरी जागृती अभियानात विविध सामाजिक प्रश्नांवर थेट चर्चा

नीम (ता. ___) | दिनांक ८ ऑक्टोबर २०२५, बुधवार संध्याकाळी ८ वाजता नीम येथे शेतकरी, शेतमजूर आणि गावकऱ्यांसाठी आयोजित जागृती अभियान प्रभावीपणे पार पडले. ग्रामीण समाजातील विविध घडामोडी, शेतकऱ्यांचे प्रश्न आणि सरकारच्या धोरणांबद्दल जागरूकता निर्माण करण्याच्या उद्देशाने हा कार्यक्रम घेण्यात आला.

कार्यक्रमात प्रा. सुभाष पाटील, प्रा. अशोक पवार, श्री. कारभारी आहेर आणि श्री. डी. एम. पाटील यांनी आपले विचार मांडले.
या सर्व मान्यवरांनी “सरकारचे धोरण हेच शेतकऱ्यांचे मरण” असे स्पष्ट शब्दांत सांगत, शेतकऱ्यांच्या आत्महत्यांचे वाढते प्रमाण, आयात-निर्यात धोरणातील विसंगती, आंदोलनातील शेतकऱ्यांची उदासीनता, इलेक्ट्रॉनिक माध्यमांची उद्योगपती धार्जिणी भूमिका, वाढती बेरोजगारी, ग्रामीण आरोग्याची अधोगती तसेच शेतकरी पुत्र तरुणांच्या विवाहासंबंधी निर्माण झालेली गंभीर परिस्थिती अशा अनेक सामाजिक प्रश्नांवर साधक-बाधक चर्चा केली.

या बैठकीला ज्येष्ठ नेते मगन भाऊसाहेब, तुकाराम बापू, आर. पी. चौधरी सर, भगवान पवार, घनशाम पाटील, चंदू नाना, छोटू आप्पा, सुभाष आगळे, गुलाब आगळे तसेच परिसरातील असंख्य शेतकरी व ग्रामस्थ मोठ्या संख्येने उपस्थित होते.

सभेच्या शेवटी सर्व उपस्थितांनी एकमताने निर्णय घेतला की, “शेतकऱ्यांच्या हक्कांसाठी गावागावातून जनजागृतीचं सशक्त जाळं उभं राहिलं पाहिजे.”
कार्यक्रमाचे सुत्रसंचालन आणि आभार प्रदर्शन स्थानिक कार्यकर्त्यांनी केले.