अमळनेरमध्ये देह व्यापाराबाबत उच्च न्यायालयाचे कठोर आदेश; प्रशासनाकडून अद्याप कारवाई नाही!

अमळनेरमध्ये देह व्यापाराबाबत उच्च न्यायालयाचे कठोर आदेश; प्रशासनाकडून अद्याप कारवाई नाही!

अमळनेर प्रतिनिधी
मुंबई उच्च न्यायालयाच्या औरंगाबाद खंडपीठाने जळगाव जिल्ह्यातील अमळनेर शहरातील देह व्यापाराच्या प्रकरणात स्थानिक प्रशासनावर कठोर आदेश दिले आहेत. तथापि, या आदेशांच्या अंमलबजावणीसाठी प्रशासनाकडून आवश्यक ती कारवाई अद्याप झालेली नाही.
उच्च न्यायालयाने स्थानिक पोलीस निरीक्षक, पोलिस अधीक्षक व जिल्हाधिकारी यांचे अहवाल मागविले होते, परंतु अद्याप या गंभीर समस्येविरुद्ध कोणत्याही ठोस उपाययोजना करण्यात आलेली नाही. न्यायालयाच्या निर्देशानुसार, जिल्हा दंडाधिकारी आणि पोलीस अधिकाऱ्यांना देह व्यापाराला त्वरित आळा घालण्यासाठी आवाहन करण्यात आले आहे.
शिष्टमंडळाने अप्पर जिल्हा दंडाधिकारी गजेंद्र पाटोळे यांची भेट घेऊन न्यायालयाच्या आदेशांची अंमलबजावणी न झाल्यास उच्च न्यायालयात अवमान याचिका दाखल करण्याचा इशारा दिला आहे.
पवित्र रमजान महिन्यात या समस्या अधिक गंभीर आहेत, कारण मुस्लिम वस्तीतील नागरिकांना कायदा व सुव्यवस्थेचा प्रश्न भेडसावतो आहे. शिष्टमंडळात समाविष्ट सदस्यांनी शासनाचे लक्ष देह व्यापार करणाऱ्यांविरुद्ध अन्यायकारक कृत्यांसाठी वेधण्याचा प्रयत्न सुरू केला आहे.

सार्वजनिक जनतेच्या सुरक्षेसाठी आवश्यक ती कारवाई लवकरात लवकर करणे आवश्यक आहे, अन्यथा शिष्टमंडळाने उच्च न्यायालयात न्याय मिळवण्यासाठी धाव घेण्याचा निर्णय घेतला आहे.
*शिष्टमंडळात यांचा होता समावेश*
एकता संघटनेचे फारुक शेख व अनिस शहा, अमळनेर येथील मौलाना रियाज़ शेख, कुदरत अली मोहम्मद अली, शेरखान मोहम्मद खान, कमर अली शहा, राजु अलाउद्दीन शेख, अब्दुल गफार खाटीक, हैदर मिस्तरी, शाहरुख शेख अनवर, सय्यद मोईज अली,आसिफ अली सय्यद, अदनान शेख अखतर अली , इकबाल कुरेशी,बुरा मिस्री,असलम बागवान,नावेद शेख,वारीस अली,मोहीयोद्दीन, कलीम हाजी जलाल सेठ, मुख्तार मामु, सईद शेख आदींची उपस्थिती होती.
फोटो कॅप्शन
जिल्हा दंडाधिकारी गजेंद्र पाटोळे यांना न्यायालयाचे अवमान्याचे काम करू नये याबाबतची सूचना पत्र देताना अमळनेरचे मौलाना रियाज़ शेख, जळगाव एकता संघटन चे फारुक शेख तर अमळनेरचे शिष्ट मंडळ दिसत आहे.