निसर्गाच्या सावलीत ज्ञानाचा प्रकाश: नंदादीप माध्यमिक विद्यालयात इ. 10 वी च्या विद्यार्थ्यांचा निरोप समारंभ

निसर्गाच्या सावलीत ज्ञानाचा प्रकाश: नंदादीप माध्यमिक विद्यालयात इ. 10 वी च्या विद्यार्थ्यांचा निरोप समारंभ

अमळनेर प्रतिनिधी(ईश्वर महाजन)
अमळनेर तालुक्यातील निम येथील नंदादीप माध्यमिक विद्यालयात इ. 10 व्या विद्यार्थ्यांचा निरोप समारंभ उत्साहात साजरा करण्यात आला. या खास कार्यक्रमाच्या अध्यक्षस्थानी विद्यालयाचे चेअरमन, आबासाहेब अँड. राजेन्द्र भगवान चौधरी उपस्थित होते.
कार्यक्रमाला पेठ जि. नाशिक पोलीस स्टेशनचे विशेष अतिथी पोलीस निरीक्षक आण्णासाहेब वासुदेव देसले साहेब होते. वासुदेव देसले साहेब यांच्या हस्ते विद्यालयातील सि. सि. टि. व्ही. संचाचे आणि चेअरमन आबासाहेब अँड राजेन्द्र भगवान चौधरी यांच्या हस्ते एल. ई. डि. टि. व्ही. संचाचे अनावरण करण्यात आले.
नंददिप हायस्कूलच्या कार्यक्रमात चेअरमन अँड जितेंद्र चौधरी यांचे मार्गदर्शन विद्यार्थ्यांसाठी अत्यंत प्रेरणादायक ठरले. त्यांनी विद्यार्थ्यांना सांगितले की, “खूप मेहनत करा आणि तुमच्या गावाचे, शाळेचे तसेच आईवडीलांचे नाव उज्ज्वल करा.” या शब्दांनी विद्यार्थ्यांच्या मनात प्रगतीची प्रेरणा निर्माण केली.
कार्यक्रमाचे अतिथी, डिवाएसपी वासुदेव देसले, यांनीही विद्यार्थ्यांना आपल्या विचारांच्या गडबडीमध्ये लक्ष केंद्रित ठेवण्याचा सल्ला दिला. त्यांनी जिद्द, मेहनत आणि अवांतर वाचनाचे महत्त्व प्रतिपादित केले. “आपण आपल्याला आवडलेल्या विषयात करीयर करणे आवश्यक आहे,” असे सांगून त्यांनी विद्यार्थ्यांना आपल्या आवडीचे क्षेत्र निवडण्याचे प्रेरणाही दिली.
एकत्रितपणे, या कार्यक्रमाने विद्यार्थ्यांचे मनोबल वाढवले आणि त्यांना त्यांच्या शैक्षणिक व व्यावसायिक भविष्यासाठी आवश्यक प्रेरणा व दिशा दिली.
कार्यक्रमास उपस्थित राहणाऱ्यांमध्ये वासुदेव देसले साहेब यांच्या पत्नी सौ. सुषमा देसले, सरकारी वकील प्रधान साहेब, किशोर बागुल, जिल्हा होमगार्ड अधिकारी गोपाल पाटील, डॉ. एल. डी. चौधरी, नानासाहेब ज्ञानेश्वर ओकांर पाटील, पोलीस पाटील सौ. मिताली पाटील, आणि गावातील नागरिक व पालक वर्ग यांचा समावेश होता.
या कार्यक्रमात इ. 10 व्या विद्यार्थ्यांनी आपले मनोगत व्यक्त केले. शालेय शिक्षणाच्या प्रवासाला निरोप प्रसंगी डॉ. एल. डी. चौधरी व मुख्याध्यापक ए. बी. चौधरी यांनी विद्यार्थ्यांना मौलिक मार्गदर्शन केले.
कार्यक्रमाचे प्रास्ताविक सुतार सर यांनी केले, विशेष अतिथी परिचय राहुल पाटील सर यांनी केला, तर कार्यक्रमाचे सूत्रसंचालन व आभार प्रदर्शन ए. जी. पाटील सर यांनी केले.
कार्यक्रमाच्या यशासाठी विद्यालयातील सर्व शिक्षक व शिक्षकेतर कर्मचारी वर्गाने अत्यंत मेहनत घेतली. विद्यार्थ्यांच्या पुढच्या वाटचालीस शुभेच्छा!