आबाची निशा शाळा: शिक्षणाचा एक नवा किरण!

आबाची निशा शाळा: शिक्षणाचा एक नवा किरण!

अमळनेर प्रतिनिधी(ईश्वर महाजन)
“रात दिन कष्ट करसू…हाडेस्ना कांडे करसू…रंगतनं पाणी करसू…पण मन्ही आंडेरले शिकाडसूच!” या संवादाच्या प्रेरणा घेत, अभिमन भिल उर्फ आबा यांनी मौजे गडखांबमध्ये आपल्या झोपडी वजा घरात “आबाची निशा शाळा” सुरू करून एक महत्त्वपूर्ण पाऊल उचलले आहे. शाळेमध्ये केवळ आपल्या मुलीसाठीच नाही तर गल्लीतील २० बालगोपालांना एकत्र करून शिक्षणाच्या वारीस सुरूवात केली आहे.
आबांच्या या उपक्रमाने प्रतिकूल परिस्थितीतही ज्ञानाचा प्रकाश ओतला आहे. त्यांच्या ध्येयाचे वाचन करून, “भूमीवरी पडावे, आकाश पांघरावे! शिक्षणाची वारी, या झोपडीत माझ्या!” हे सांगताना, त्यांनी शालेय शिक्षणाच्या पुकारणीला सकारात्मक उत्तर दिले आहे.
झोपडीत पुरेसा उजेड नसतांनाही, आबांचा उत्साह कमी होणार नाही, असे त्यांचे ठाम मत आहे. त्यांनी ऑनलाईन संवाद साधत विद्यार्थ्यांना शिक्षणाची गाडी चालू ठेवली आहे.
अमळनेर येथील आशू नॉव्हेलटिजचे विशाल शर्मा यांनी या उपक्रमाला सहकार्य करत ३० पाट्या आणि पेन्सिल उपलब्ध करून दिले आहेत, ज्यामुळे गोर गरीब विद्यार्थ्यांना शिक्षण घेण्याच्या संधीवर प्रकाश पडला आहे.
या विशेष उपक्रमामुळे वस्तीतील मुलांचे भविष्य उज्वल करण्याच्या महत्त्वाकांक्षेला धार मिळालेली आहे. आबाजींच्या नेतृवाखाली, “आबाची निशा शाळा” एक नवीन उदाहरण बनली आहे, ज्याने शिक्षणाच्या कार्यात एक नवा दृष्टिकोन आणला आहे. शिक्षणाची ही नवी किरण आपल्या समाजांत परिवर्तन घडवण्यास निश्चितच सक्षम होईल! असे
जिल्हा परिषद केंद्र प्राथमिक शाळा गडखांबच्या मुख्याध्यापिका प्रतिभा बोरसे ,शिक्षक गोपाल कोळी, प्रतिभा पाटील छाया पाटील ,भैय्यासाहेब साळुंके ,नीरज पाटील,विनय निकम यांनी सांगितले