तालुकास्तरीय विज्ञान प्रदर्शनात माध्यमिक शिक्षक गटात अनिल पाटील द्वितीय

अमळनेर शहर प्रतिनिधी

शिक्षण विभाग, पंचायत समिती अमळनेर व पूज्य साने गुरुजी शिक्षण प्रसारक मंडळ ,शिरसाळे यांच्या संयुक्त विद्यामाने आयोजित 54 व्या तालुकास्तरीय विज्ञान प्रदर्शनात सावित्रीबाई फुले माध्यमिक व उच्च माध्यमिक विद्यालयाचे उपक्रमशिल शिक्षक श्री अनिल नथ्थू पाटील यांनी शिक्षकांच्या इयत्ता नववी ते बारावी च्या माध्यमिक गटात द्वितीय क्रमांक मिळविला. ग्रीन ऊर्जा व पर्यावरण संवर्धन या विषयाच्या त्यांच्या साजरीकरणाला द्वितीय क्रमांकाचे पारितोषिक मिळून त्यांना प्रशस्तीपत्र व ट्रॉफी देऊन त्यांचा अमळनेर उपविभागीय अधिकारी श्री मयूर भंगाळे साहेब यांच्या हस्ते त्यांना सन्मानित करण्यात आले. यावेळी तहसीलदार उमा ढेकळे,गट विकास अधिकारी एन. आर. पाटील, अमळनेर पोलीस निरीक्षक दत्तात्रय निकम, मारव ड पोलीस उपनिरीक्षक साजिद मंसूरी, गटशिक्षणाधिकारी कविता सुर्वे , संस्थेचे अध्यक्ष संजय शिरोडे, प्रमोद पाटील, विज्ञान अध्यापक मंडळाचे समन्वयक, अध्यक्ष निरंजन पेंढारे, गणित मंडळाचे अध्यक्ष डी.ए .धनगर, गणित अध्यापक मंडळाचे कार्याध्यक्ष एस. के. पाटील, सर्व केंद्रप्रमुख, मुख्याध्यापक, सर्व शिक्षक, शिक्षिका,बाल वैज्ञानिक उपस्थित होते. कार्यक्रमाचे सूत्रसंचालन विजय पवार यांनी केले तर बक्षीस वितरणाचे सूत्रसंचालन संजय पाटील यांनी केले. कार्यक्रमाची सांगता वंदे मातरम या गीताने झाली.