अमळनेर मतदारसंघात SIR कार्यक्रम यशस्वी करा- आ.अनिल पाटील राष्ट्रवादी काँग्रेस पक्षातील बुथप्रमुखांचा मेळावा उत्साहात.

अमळनेर प्रतिनिधी:- SIR कार्यक्रम संपुर्ण देशात सुरू असून आता सुनावणीचा अंतिम टप्पा सुरू आहे,यासाठी राष्ट्रवादीच्या बी एल ए तथा बूथ प्रमुखांनी जागृत राहून अमळनेर मतदारसंघात SIR कार्यक्रम यशस्वी करावा,चुकून काही आपले महत्त्वाचे मतदान राहिले असेल तर आताच काळजी घेत दुरुस्ती किंवा वाढवून घ्यावे असे आवाहन आ.अनिल भाईदास पाटील यांनी केले.राष्ट्रवादी काँग्रेस पक्ष अमळनेर विधानसभा मतदारसंघातील बुथ प्रमुखांचा मेळावा

नुकताच नर्मदा रिसॉर्ट अमळनेर येथे पार पडला.

मेळाव्याच्या अध्यक्षस्थानी माजी मंत्री तथा राष्ट्रवादी काँग्रेसचे प्रदेश उपाध्यक्ष अनिल भाईदास पाटील उपस्थित होते.सुरवातीला प्रस्ताविक बीएलए तालुका समन्वयक विक्रांत पाटील यांनी केले तर तालुकाध्यक्ष भागवत पाटील व शहराध्यक्ष चेतन राजपूत यांनी मार्गदर्शन केले.उपस्थितांना मार्गदर्शन करताना आमदार पाटील पुढे म्हणाले की 2024 च्या विधानसभा निवडणुकीत आपल्या मतदारसंघात 3 लक्ष 2 हजार 94 एकूण मतदान होते,मात्र एस आय आर कार्यक्रमात आताच्या प्रारूप यादी नुसार 2 लाख 57 हजार मतदार असून यात 44,390 मतदार अनमॅपिंग आहेत, त्यापैकी 21670 मतदारांच्या नावात बदल व पत्ता बदल आहे तर 12 हजार 296 मतदार सापडत नाहीये.कायमचे कट झालेले मतदार 39,595 आहेत. आता शेवटचा सुनावणीचा सुरू आहे,यासाठी आपल्या भागातील BLO ना संपर्क साधून आपले लोक तपासून सुनावणी चे काम करून घ्या.आपल्या बुथवरील कार्यकर्त्यांची संख्या वाढवा, यात सर्व स्तरातील कार्यकर्त्यांना स्थान द्या,आपले गाव व वार्ड सक्षम करण्यासाठी बूथ सक्षम करा,यापुढे निवडणूक असो किंवा विकास काम असो बूथ प्रमुखांच्या शब्दाला किंमत असेल. यामुळे आपले बूथ सक्षम करा.प्रारूप मतदार यादी चाळून जी नावे राहिले असतील ते फॉर्म क्रमांक 6 भरून वाढवून घ्या.फॉर्म क्रमांक 8 भरून हरकत असलेली नावे कमी करून घ्या.

विकासकामातही आपण मागे नसून सर्वत्र रस्त्याचे जाळे, दुष्काळ निवारणासाठी आर्च बंधारे व पाडळसरे धरण आदि कामे प्रगतीपथावर आहेत, उपसा सिंचन योजनाही प्रगती पथावर आहे.शहरातही मोठ्या प्रमाणात विकासकामे झाली आहेत.बाजार समिती, शेतकीसंघ, नगरपालिका आदी संस्थातील लोकप्रतिनिधी यांनी लोकांशी नाड तुटू देऊ नका.एकजुटीने कामाला लागा व पक्ष वाढवा असे आवाहन आमदारांनी केले. व्यासपीठावर,माजी जि प सदस्या सौ जयश्री अनिल पाटील,बाजार समितीचे सभापती अशोक पाटील,जेष्ठ नेत्या सौ तिलोत्तमा पाटील,शेतकरी संघ प्रेसिडेंट संभाजी पाटील,पारोळा चे माजी जि प सदस्य रोहिदास पाटील (दाजी) माजी पं.स उपसभापती जितेंद्र पाटील उपस्थित होते.तर मेळाव्यास बाजार समिती,शेतकरी संघ,नगरपालिका चे लोकप्रतिनिधी तसेच आजी माजी जि प व प स सदस्य,सरपंच व पक्षाचे प्रमुख पदाधिकारी उपस्थित होते.सूत्रसंचालन युवक जिल्हाध्यक्ष भूषण भदाणे यांनी केले.