ब्राम्हणवाडा येथे शालेय वस्तूचे वाटप

ब्राम्हणवाडा येथे शालेय वस्तूचे वाटप

ब्राम्हणवाडा, ता. अकोला, जि. अहिल्यानगर | दि. १४ ऑक्टोबर २०२६

सामाजिक कार्यकर्ते मा. श्री. गौतमराव शिंदे यांनी आपली नात कु. शिवांशी रोकडे हिच्या प्रथम वाढदिवसाचे औचित्य साधून एक आगळा-वेगळा आणि प्रेरणादायी उपक्रम राबविला.

वाढदिवसाचा आनंद केवळ घरापुरता मर्यादित न ठेवता सामाजिक बांधिलकी जपत, त्यांनी संगारे वसतिगृह व आश्रमशाळेतील गरजू शालेय विद्यार्थ्यांना शालेय साहित्याचे वाटप केले. वह्या, पेन, पेन्सिल, दप्तर अशा शैक्षणिक साहित्याच्या माध्यमातून विद्यार्थ्यांच्या शैक्षणिक वाटचालीला हातभार लावण्याचा प्रयत्न त्यांनी केला.

वाढदिवस साजरा करण्याची ही आगळी पद्धत समाजासमोर एक आदर्श ठेवणारी आहे, अशी भावना यावेळी उपस्थितांनी व्यक्त केली. ‘मिशन आपुलकी’ अंतर्गत राबविण्यात आलेल्या या उपक्रमातून शिक्षणाचे महत्त्व आणि सामाजिक जाणीवेचा संदेश देण्यात आला.

या प्रसंगी संगारे वसतिगृहाचे अधीक्षक मा. देठे सर, संगारे आश्रमशाळेचे मुख्याध्यापक मा. प्रकाश लांडगे सर, डॉ. अजातशत्रू शिंदे, सौ. वर्षा रोकडे, श्री. मिलिंद रोकडे, सौ. संगिता शिंदे, एडिटर शुभम गायकर, तसेच आयुष्यमान आरोग्यवर्धिनी ब्राम्हणवाडा केंद्रातील सिस्टर्स आदी मान्यवर उपस्थित होते.

कार्यक्रमाचे आयोजन अत्यंत शिस्तबद्ध आणि उत्साहपूर्ण वातावरणात पार पडले. विद्यार्थ्यांच्या चेहऱ्यावरील आनंद हाच खरा वाढदिवसाचा आनंद असल्याची भावना शिंदे परिवाराने व्यक्त केली.