🔴 बालविवाहाला पूर्णविराम! प्रगतिशील महाराष्ट्र प्रदर्शनातून ‘बालविवाहमुक्त भारत’चा जागर

अमळनेर, जि. जळगाव :

प्रगतिशील महाराष्ट्र २०२६ प्रदर्शनात बालविवाहमुक्त भारत अभियानांतर्गत जनजागृती करण्यात आली. यावेळी *खासदार स्मिता वाघ, आमदार अनिल पाटील, जिल्हा महिला व बाल विकास अधिकारी ऋषिकेश काळे, आधार बहुउद्देशीय संस्था, अमळनेरच्या अध्यक्षा डॉ. भारती पाटील* व संस्थेचे सहकारी उपस्थित होते.

खासदार स्मिता वाघ यांनी लोकप्रतिनिधींच्या माध्यमातून बालविवाह निर्मूलनासाठी जनजागृती व सामाजिक सहभागाचे महत्त्व अधोरेखित केले.

आमदार अनिल पाटील यांनी बालविवाहमुक्त समाजनिर्मितीसाठी लोकसहभाग आणि सामाजिक जागृतीची गरज व्यक्त केली.

जिल्हा महिला व बाल विकास अधिकारी ऋषिकेश काळे यांनी बालविवाह प्रतिबंधक कायदा, बालकांचे संरक्षण आणि संबंधित यंत्रणांच्या भूमिकेबाबत मार्गदर्शन केले.

आधार बहुउद्देशीय संस्थेच्या अध्यक्षा डॉ. भारती पाटील व सहकाऱ्यांनी बालविवाहाचे दुष्परिणाम, मुलींचे शिक्षण, बालहक्क आणि समाजातील जनजागृती यांचे महत्त्व अधोरेखित केले.

“बालविवाह थांबवूया, बालपण जपूया; शिक्षण आणि सुरक्षिततेच्या माध्यमातून बालविवाहमुक्त भारत घडवूया!”

आधार बहुउद्देशीय संस्था, अमळनेर, जि. जळगाव