शिव टेकडी येथे लायन्स क्लबतर्फे वृक्षारोपण उत्साहात पर्यावरण संवर्धनाचा संदेश; ‘हरित अमळनेर’साठी वृक्षसंगोपनाचा संकल्प

अमळनेर प्रतिनिधी

: पर्यावरण संवर्धनासोबतच अमळनेर शहर अधिकाधिक हरित करण्याच्या उद्देशाने लायन्स क्लब ऑफ अमळनेर यांच्या वतीने धार-मारवड विकास मंचाच्या सहकार्याने शिव टेकडी येथे वृक्षारोपण कार्यक्रम उत्साहात पार पडला.

३ ऑक्टोबर २०२६ रोजी सायंकाळी ५.३० वाजता शिव टेकडी, मारवड रोड, अमळनेर येथे आयोजित करण्यात आलेल्या या उपक्रमात विविध प्रकारच्या रोपांची लागवड करण्यात आली. उपस्थित मान्यवरांच्या हस्ते वृक्षारोपण करून पर्यावरण संवर्धनाचा संदेश देण्यात आला.

यावेळी लायन्स क्लब ऑफ अमळनेरचे अध्यक्ष Ln. जितेंद्रभाऊ पारख, सचिव Prof. Dr. Jayesh Gujarathi, प्रोजेक्ट चेअरमन Ln. महेंद्र पाटील, तसेच प्रशांत सिंघवी, राजू नाढा, डॉ. मिलिंद नवसारीकर, दिनेश मणियार, दिलीप गांधी, रजनीश वरलानी, चंद्रकांत महाजन, कमलेश भंडारी, प्रताप शिंपी, आशिष चौधरी, गणेश तात्या यांच्यासह लायन्स क्लबचे पदाधिकारी व सदस्य उपस्थित होते.

तसेच शिव टेकडी ग्रुप आणि धार-मारवड विकास मंचाचे सदस्य मोठ्या संख्येने सहभागी झाले. केवळ वृक्षलागवड न करता लावलेल्या वृक्षांचे नियमित संगोपन व संवर्धन करण्याचा संकल्प यावेळी करण्यात आला.

दरम्यान, लायन्स क्लबचे अध्यक्ष जितेंद्रभाऊ पारख यांचा शिव टेकडीचे संस्थापक प्रताप आबा व माजी सरपंच गणेशभाऊ धोंडू पाटील यांच्या हस्ते सत्कार करण्यात आला.

पर्यावरणाचे रक्षण, वाढते प्रदूषण कमी करणे आणि भावी पिढीसाठी हिरवेगार व निरोगी वातावरण निर्माण करणे, हा संदेश या उपक्रमातून देण्यात आला