अमळनेर तालुका मराठा समाजातर्फे मोहित पाटील यांचा जाहीर गुणगौरव , आंतरराष्ट्रीय आयटी कंपनीत सॉफ्टवेअर इंजिनिअर म्हणून उच्च पदावर निवड; वार्षिक सर्वसाधारण सभेत ट्रॉफी व प्रमाणपत्र देऊन सन्मान

अमळनेर प्रतिनिधी :

अमळनेर तालुका मराठा समाजाच्या वतीने चि. मोहित पंडित पाटील यांनी आंतरराष्ट्रीय नामांकित आयटी कंपनीत उच्च पदावर नोकरी मिळविल्याबद्दल त्यांचा जाहीर गुणगौरव करण्यात आला. रविवार, दि. ४ ऑक्टोबर २०२६ रोजी आयोजित वार्षिक सर्वसाधारण सभेत समाजाच्या अध्यक्ष, उपाध्यक्ष, खजिनदार, सेक्रेटरी व कार्यकारी मंडळाच्या उपस्थितीत मोहित पाटील यांना ट्रॉफी व प्रमाणपत्र देऊन सन्मानित करण्यात आले.

चि. मोहित पंडित पाटील यांनी मुंबई येथील आंतरराष्ट्रीय स्तरावरील नामांकित अॅक्सेंचर (Accenture) या बहुराष्ट्रीय आयटी कंपनीत (MNC) सॉफ्टवेअर इंजिनिअर म्हणून यशस्वीपणे नोकरी प्राप्त केली आहे. त्यांनी B.Tech. (पुणे) तसेच C-DAC (हैदराबाद) येथून उच्च शिक्षण पूर्ण केले आहे. आपल्या गुणवत्तेच्या, मेहनतीच्या आणि सातत्यपूर्ण प्रयत्नांच्या बळावर त्यांनी मिळविलेले हे यश अमळनेर तालुका मराठा समाजासाठी निश्चितच अभिमानाची बाब ठरली आहे.

मोहित पाटील हे प्रा. पी. के. पाटील, प्राचार्य तसेच अखिल भारतीय मराठा महासंघ, अमळनेरचे माजी तालुका अध्यक्ष, आणि सौ. सीमा पी. पाटील, प्रथम महिला उपसरपंच, भिलाली, ता. अमळनेर यांचे सुपुत्र आहेत. त्यांच्या यशाबद्दल कुटुंबीय, नातेवाईक, मित्रपरिवार तसेच समाजबांधवांकडून अभिनंदनाचा वर्षाव होत आहे.

वार्षिक सर्वसाधारण सभेतील गुणगौरव कार्यक्रमात समाज अध्यक्ष श्री. जयवंतराव मन्साराम पाटील, उपाध्यक्ष राजेंद्र देशमुख, खजिनदार एस. के. पाटील, महेंद्र बोरसे, सेक्रेटरी विक्रांत पाटील, जे. पी. पाटील, प्रा. पी. के. पाटील, चंद्रकांत काटे, संजय पुनाजी पाटील, गौरव उदय पाटील, एम.एस.ई.बी.चे पी. एस. पाटील, निवृत्त न्यायाधीश गुलाबराव पाटील, सुनील आहिरराव, प्रा. अशोक पवार आणि के. पी. पाटील यांच्या हस्ते मोहित पाटील यांचा जाहीर सत्कार करण्यात आला.

मोहित पाटील यांचे हे यश तरुणांसाठी प्रेरणादायी असून, शिक्षण, कौशल्य आणि मेहनतीच्या जोरावर जागतिक स्तरावर आपल्या कर्तृत्वाचा ठसा उमटविता येतो, याचे प्रेरक उदाहरण त्यांनी निर्माण केले आहे.