योगातून निरोगी जीवनाचा मंत्र’; कै. दादासाहेब व्ही. एस. पवार इंग्लिश मीडियम स्कूलमध्ये आंतरराष्ट्रीय योग दिन उत्साहात ‘योगा फॉर वन अर्थ, वन हेल्थ’ संकल्पनेचा विद्यार्थ्यांना संदेश; योगप्रशिक्षक रघुनाथ चौधरी यांचे मार्गदर्शन

‘योगातून निरोगी जीवनाचा मंत्र’; कै. दादासाहेब व्ही. एस. पवार इंग्लिश मीडियम स्कूलमध्ये आंतरराष्ट्रीय योग दिन उत्साहात

‘योगा फॉर वन अर्थ, वन हेल्थ’ संकल्पनेचा विद्यार्थ्यांना संदेश; योगप्रशिक्षक रघुनाथ चौधरी यांचे मार्गदर्शन

अमळनेर प्रतिनिधी
दुर्गा फाउंडेशन संचलित कै. श्री दादासाहेब व्ही. एस. पवार इंग्लिश मीडियम स्कूल, अमळनेर येथे आंतरराष्ट्रीय योग दिन मोठ्या उत्साहात, शिस्तबद्ध वातावरणात आणि प्रेरणादायी उपक्रमांनी साजरा करण्यात आला. यंदाच्या “Yoga for One Earth, One Health” या जागतिक संकल्पनेनुसार विद्यार्थ्यांना योगाचे महत्त्व आणि त्याचे आरोग्यदायी फायदे समजावून सांगण्यात आले.
कार्यक्रमासाठी शहरातील ख्यातनाम योगप्रशिक्षक मा. श्री. रघुनाथ चौधरी यांना विशेष निमंत्रित करण्यात आले होते. कार्यक्रमाची सुरुवात दीपप्रज्वलन आणि प्रार्थनेने झाली. त्यानंतर विद्यार्थी, शिक्षक आणि शिक्षकेतर कर्मचाऱ्यांनी एकत्रितपणे विविध योगासने, प्राणायाम आणि ध्यानाचा सराव करून योग दिनाचे औचित्य साधले.

यावेळी विद्यार्थ्यांना योगामुळे शारीरिक तंदुरुस्ती, मानसिक स्थैर्य, एकाग्रता, सकारात्मक विचारसरणी आणि निरोगी जीवनशैली कशी विकसित होते याविषयी सविस्तर मार्गदर्शन करण्यात आले. विद्यार्थ्यांनीही उत्स्फूर्त सहभाग घेत विविध योगासने प्रभावीपणे सादर केली.
प्रसंगी शाळेच्या सचिव सौ. अलका पवार यांनी विद्यार्थ्यांना संबोधित करताना योगाचे दैनंदिन जीवनातील अनन्यसाधारण महत्त्व विशद केले. प्रत्येकाने नियमित योगाभ्यास करून निरोगी आणि संतुलित जीवन जगावे, असे आवाहन त्यांनी केले.
कार्यक्रमाच्या यशस्वी आयोजनासाठी शाळेतील सर्व शिक्षक व कर्मचाऱ्यांनी विशेष परिश्रम घेतले. शेवटी सर्वांनी नियमित योग करण्याचा संकल्प करून कार्यक्रमाची सांगता केली.
“निरोगी शरीर, शांत मन आणि सुदृढ राष्ट्र घडविण्यासाठी योग हीच जीवनशैली” हा प्रेरणादायी संदेश या उपक्रमातून विद्यार्थ्यांपर्यंत प्रभावीपणे पोहोचला. योग दिनाच्या निमित्ताने विद्यार्थ्यांमध्ये आरोग्याबाबत जागरूकता निर्माण झाल्याचे समाधान यावेळी व्यक्त करण्यात आले.