नागरिकांच्या मनात स्थान मिळवणारे ॲड. सुरेश सोनवणे — प्रभाग १४ मध्ये वाढता जनतेचा विश्वास!

ॲड. सुरेश सोनवणे यांना प्रभागातील वाढता जनसमर्थनाचा ऊसळता लाट!

मितभाषी, अभ्यासू आणि सर्वांच्या सुखदुःखात सहभागी होणारे नेतृत्व — नगरसेवकपदासाठी नागरिकांत उत्सुकता वाढली

अमळनेर प्रतिनिधी (ईश्वर महाजन) –
अमळनेर नगरपरिषदेच्या आगामी निवडणुकीच्या पार्श्वभूमीवर प्रभाग क्रमांक १४ मध्ये ॲड. सुरेश सोनवणे हे नाव सध्या चर्चेच्या केंद्रस्थानी आहे. आपल्या मितभाषी, अभ्यासू आणि लोकाभिमुख स्वभावामुळे त्यांनी नागरिकांच्या मनात ठसा उमटवला आहे.

सामाजिक बांधिलकी आणि लोकाभिमुख कार्याची ओळख :
माजी नगरसेवक आणि माजी उपाध्यक्ष – अमळनेर वकील संघ या नात्याने त्यांनी कार्य केले असून, फुल माळी समाज अमळनेरचे अध्यक्ष तसेच संत सावता माळी गणेश उत्सव मंडळाचे अध्यक्ष म्हणून त्यांनी प्रभावी नेतृत्व दिले आहे.
वकीली व्यवसायासोबतच समाजकार्यातील त्यांची बांधिलकी कायम अधोरेखित होत असते. प्रत्येकाच्या सुखदुःखात सहभागी होणारे आणि मदतीला तत्पर राहणारे व्यक्तिमत्त्व म्हणून त्यांची विशेष ओळख निर्माण झाली आहे.

विकासकामांचा ठसा :
साईबाबा मंदिर परिसरात बोअरवेल बसवून २४ तास पाणीपुरवठा सुरू ठेवण्यापासून ते रस्ते, पथदिवे आणि स्वच्छतेच्या कामांपर्यंत, त्यांच्या काळात झालेल्या विकासामुळे प्रभागातील नागरिक आजही त्यांची आठवण प्रेमाने करतात.

महिलांसाठी संवेदनशील कार्य :
श्रावणबाळ योजना आणि महिला सक्षमीकरण उपक्रमांतून त्यांनी अनेकांना मदतीचा हात दिला. त्यामुळे महिलांमध्येही त्यांचा विश्वास आणि आदर वाढला आहे.

माळी समाजातील नेतृत्व आणि संघटनशक्ती :
जिल्हास्तरावर विविध जबाबदाऱ्या सांभाळून, माळी समाजाचे एकत्रीकरण व संघटनशक्ती वाढविण्यात त्यांनी मोलाची भूमिका बजावली आहे. त्यांच्या नेतृत्वगुणामुळे समाजातील तरुणाईला नवा आत्मविश्वास लाभला आहे.

तरुण मंडळांचा वाढता पाठिंबा :
प्रभागातील विविध तरुण मंडळे आणि सामाजिक संघटना ॲड. सोनवणे यांच्या पाठीशी उभ्या आहेत. “यावर्षी प्रभाग १४ मध्ये ॲड. सुरेश सोनवणे यांचा विजय निश्चित!” अशी चर्चा नागरिकांमध्ये जोर धरत आहे.

थोडक्यात — जनतेच्या मनातील उमेदवार :
प्रामाणिकपणा, कार्यतत्परता आणि जनसंपर्काची सच्ची भावना या गुणांमुळे ॲड. सुरेश सोनवणे हे आज प्रभाग १४ मधील नागरिकांच्या अपेक्षांचे प्रतीक ठरले आहेत.