दिवाळीच्या मंगल वातावरणात २३ ऑक्टोबरला भव्य अन्नकूट महोत्सव — ५६ भोगांनी सजणार भगवंताचे दरबार

दिवाळीच्या मंगल वातावरणात २३ ऑक्टोबरला भव्य अन्नकूट महोत्सव — ५६ भोगांनी सजणार भगवंताचे दरबार

अमळनेर प्रतिनिधी (ईश्वर महाजन)
अमळनेर येथील स्वामीनारायण मंदिरात दिवाळीच्या मंगलमय वातावरणात यंदाही भक्तिभावाने भव्य अन्नकूट उत्सव साजरा केला जाणार आहे. दिनांक २३ ऑक्टोबर, गुरुवार रोजी सकाळी ११ ते दुपारी २ वाजेपर्यंत हा सोहळा पार पडणार आहे.
विश्ववंदनीय परमपूज्य महंत स्वामी महाराज यांच्या कृपेने आणि आशीर्वादाने, दरवर्षीप्रमाणे या वर्षीही भारतीय भक्तीपरंपरेचा अविभाज्य भाग असलेला अन्नकूट उत्सव उत्साहात साजरा होणार आहे. या उत्सवात भगवंताला ५६ प्रकारचे विविध स्वादिष्ट भोग लावले जातील, ज्याला ‘अन्नकूट’ असे म्हणतात.
भक्तगणांना भगवंताच्या प्रसादाचा लाभ घेण्याची आणि या पवित्र क्षणाचा साक्षीदार होण्याची संधी मिळणार आहे. दिवाळीच्या शुभ पर्वावर आयोजित हा अन्नकूट महोत्सव भक्तांमध्ये आनंद, श्रद्धा आणि एकतेचा संदेश पसरवणारा ठरत आहे.

मंदिराचे संत पूज्य योगीस्नेह स्वामी आणि पूज्य अखंडमुनी स्वामी यांनी सर्व भाविक भक्तांना आवाहन केले आहे की,
“या दिवाळीच्या मंगल सोहळ्यात सहभागी व्हा आणि भगवंताच्या आशीर्वादरसाचा लाभ घ्या.”
दिव्य दर्शन, भक्तीचा सोहळा आणि प्रसादाचा आनंद — हेच आहे अमळनेर स्वामीनारायण मंदिरातील अन्नकूट उत्सवाचे वैशिष्ट्य!