21 जुलैला ‘लोकशाही दिन’ – प्रशासनाशी थेट संवादाची संधी , तहसिलदारांचा संदेश – ‘तयार व्हा, आपली अडचण मांडायला!’
21 जुलैला ‘लोकशाही दिन’ – प्रशासनाशी थेट संवादाची संधी
तहसिलदारांचा संदेश – ‘तयार व्हा, आपली अडचण मांडायला!’
अमळनेर प्रतिनिधी– तालुकास्तरीय लोकशाही दिनाचे आयोजन दिनांक 21 जुलै 2025 रोजी सकाळी 11.00 वाजता अमळनेर तालुक्यात करण्यात येणार आहे. या दिवशी नागरिक आपल्या विविध सामाजिक, प्रशासनिक समस्या आणि अडचणी संबंधित अर्ज बेधडकपणे दाखल करू शकतील.
तहसिलदार रुपेश कुमार सुराणा यांनी दिलेल्या माहितीप्रमाणे, लोकशाही दिनाच्या या विशेष उपक्रमाद्वारे नागरिकांना त्यांच्या समस्या प्रशासनापर्यंत पोहोचवण्याचा सुवर्णसंधी मिळेल. तसेच या दिनाचा लाभ घेऊन योग्य तो ते उपाय योजता येतील, असा विश्वास व्यक्त केला आहे.
लोकशाही दिनाचा लाभ घेण्यासाठी सर्व नागरिकांनी आपली समस्या किंवा अर्ज नीट तयार करून वेळेत उपस्थित राहावे, असे आमंत्रण तहसिलदारांनी दिले आहे. हा उपक्रम प्रशासन आणि जनता यांच्यात संवाद साधण्यासाठी महत्त्वाचा पाया ठरेल.
अशा प्रकारच्या सत्रांमुळे शासनाच्या कामकाजात पारदर्शकता वाढेल आणि स्थानिक समस्यांचे त्वरीत निराकरण होण्यास मदत होईल. तहसिल कार्यालयाच्या वतीने नागरिकांना यासाठी विशेष माहिती आणि सहाय्य देखील मिळणार असल्याचे सांगण्यात आले आहे.
सर्व नागरीकांनी या लोकशाही दिनाच्या कार्यक्रमाची नोंद घेऊन सक्रिय सहभाग घेतल्यास आपल्या तालुक्याच्या विकासासाठी मोठे योगदान प्राप्त होऊ शकते.
