पिंपळे गावाचा जलमृदा संधारणेत जळगाव जिल्ह्यात द्वितीय क्रमांक – पाणी फाउंडेशन, धरती माता ग्रुप आणि पंचायत समिती अमळनेर यांचा ऐतिहासिक विजय

पिंपळे गावाचा जलमृदा संधारणेत जळगाव जिल्ह्यात द्वितीय क्रमांक – पाणी फाउंडेशन, धरती माता ग्रुप आणि पंचायत समिती अमळनेर यांचा ऐतिहासिक विजय

अमळनेर प्रतिनिधी – पाणी फाउंडेशन टीम अमळनेर, धरती माता महिला शेतकरी गट, पंचायत समिती अमळनेर आणि पिंपळे ग्रामपंचायत यांच्या संयुक्त सहकार्यातून आणि सेवा सहयोग यांच्या अत्याधुनिक मशिनरीच्या योगदानाने पिंपळे गावातील जलमृदा संधारणेच्या क्षेत्रात प्रचंड यश संपादन झाले आहे. जळगाव जिल्ह्यातील नाला खोलीकरण, तलाव खोलीकरण, जलतरा खड्ड्यांच्या बांधकाम आणि उत्कृष्ट जागेची निवड या कामांमध्ये दुसरा क्रमांक मिळवून या उपक्रमाने संपूर्ण जिल्ह्यात आदर्श निर्माण केला आहे.
..मारवड विकास मंचच्या आर्थिक सहाय्याने आणि ग्रामस्थांच्या लोक सहभागाने मिळून हे काम करण्यात आले असून, या प्रकल्पाचे नियोजन व अंमलबजावणीमध्ये रवींद्र आबा व धरती माता यांच्या नेतृत्वाखाली अनेक जबाबदार व्यक्तींचे अथक प्रयत्न मोलाचे ठरले आहेत. दानशूर आणि प्रयत्नशील व्यक्तींच्या एकजुटीमुळे जलमृदा संधारणेचे हे मोठे कार्य यशस्वी झाले आहे.
या प्रकल्पाच्या यशाबाबत मिळालेल्या पुरस्काराने सहभागींमध्ये अभिमानाची लाट निर्माण झाली असून, या कामांत आलेल्या अडचणी व त्यावर मात करण्याच्या कथा मनाला स्पर्शून जात आहेत. जल, मृदा, माती, शेती आणि प्राणी-पक्ष्यांसाठी केलेल्या या कष्टांचे हे अपूर्व फळ आहे, ज्यामुळे पिंपळे गाव देशातील एक आदर्श मॉडेल विलेज म्हणून उभे राहण्याच्या प्रवासात आहे.
धरती माता गटाच्या नेतृत्वाखाली आणि सर्व ग्रामस्थांच्या सहकार्याने येत्या काळातही हा प्रकल्प अधिक व्यापक स्वरूप घेईल व पिंपळे गावाला राष्ट्रीय नकाशावर अग्रगण्य स्थान मिळवून देईल, अशी सर्वांचे ठाम श्रद्धा आहे. जल आणि मृदा संवर्धनासाठी एकजुटीने पुढे येण्याची हीच खरी प्रेरणा आहे!