महात्मा जोतीराव फुले हायस्कूल देवगांव देवळी: विद्यार्थ्यांच्या यशाचा आनंदोत्सव** *दहावीचा नववीच्या विद्यार्थ्यांचा यशस्वी पेपर लेखन अनुभव**

**महात्मा जोतीराव फुले हायस्कूल देवगांव देवळी: विद्यार्थ्यांच्या यशाचा आनंदोत्सव**

*दहावीचा नववीच्या विद्यार्थ्यांचा यशस्वी पेपर लेखन अनुभव**

अमळनेर प्रतिनिधी
महात्मा जोतीराव फुले हायस्कूल, देवगांव देवळीमध्ये इयत्ता नववीच्या विद्यार्थ्यांना दहावीच्या मार्च 2025 ची हिंदी विषयाची बोर्ड प्रश्नपत्रिका शाळेचे हिंदी विषय शिक्षक आय.आर. महाजन यांनी सादर केली. विद्यार्थ्यांना दहावीच्या विद्यार्थ्यांसोबत हिंदी व्याकरण, पत्रलेखन, वृत्तांत लेखन, विज्ञापन, आकलन, निबंध आणि कहानी लेखन याबद्दल ज्ञान मिळवण्यात महत्त्वाची संधी मिळाली.
शिक्षक महाजन यांनी विद्यार्थ्यांना सांगितले की, पठीत आणि अपठीत परिच्छेद वाचून ते त्या प्रश्नांची उत्तरे लिहू शकतात. विद्यार्थ्यांनी त्यांच्या ज्ञानाच्या आधारे बोर्ड परीक्षेसाठी प्रॅक्टिस पेपर आणण्यासाठी आतुरते विचारले.
शिक्षकांनी विद्यार्थ्यांना बोर्ड परीक्षांचा पेपर कसा भरावा हे शिकवले. पेपरवर नंबर, अंकी अक्षरी, दिनांक, विषय, उत्तर लेखनाची भाषा आणि केंद्र क्रमांक यासंबंधीचे महत्त्व विद्यार्थ्यांना स्पष्ट करण्यात आले.
त्यानंतर, तीन तास शिक्षक महाजन विद्यार्थ्यांसोबत राहिले आणि विद्यार्थ्यांनी अत्यंत प्रामाणिकपणे पेपर लिहीत आपली क्षमतांची चांगलीच चुणूक दाखवली.
५-६ दिवसांच्या आत शिक्षक महाजन यांनी विद्यार्थ्यांचे पेपर तपासले. शाळेतील ग्रामीण भागामुळे 33 विद्यार्थ्यांपैकी काही विद्यार्थी गैरहजर होते, तरीही २४ पैकी २३ विद्यार्थ्यांनी यश मिळविले. विशेष उल्लेखनीय म्हणजे, गिरीजा सुनील महाजन हिने ६२ गुण मिळवत पहिला क्रमांक मिळवला.
इतर उत्कृष्ट गुण प्राप्त करणारे विद्यार्थी म्हणजे वैष्णवी भरत पाटील ६१ गुण, वैष्णवी श्याम पाटील ५९ गुण, तसेच ५० ते ५८ गुण प्राप्त करणारे शिवम भिल, निशा जाधव, कांचन जाधव, वेदांत पाटील आणि क्रिश श्याम पाटील यांचा समावेश आहे. काही विद्यार्थ्यांनी 30 ते 45 गुण मिळवले… काही चार विद्यार्थांना 25 गुण मिळाले.
सर्व उत्तीर्ण विद्यार्थ्यांचे अभिनंदन करत, शिक्षक महाजन यांनी आठ विद्यार्थ्यांना वैयक्तिक बक्षिस देऊन शाळेचे मुख्याध्यापक अनिल महाजन सर व त्यांच्या शिक्षक वृंद यांच्या शुभहस्ते गौरवले.
यादरम्यान, संस्थेचे अध्यक्ष विलासराव पाटील,संचालक मंडळ व शाळेतील मुख्याध्यापक अनिल महाजन व शिक्षक वृंद यांनी या उपक्रमाचे विशेष कौतुक केले. विद्यार्थ्यांच्या चेहऱ्यावरचा आनंद आणि यशामुळे शिक्षक महाजन यांनाही खूप आनंद झाला आणि त्यांनी केलेल्या मेहनतीचा सार्थक अनुभव घेतला.
हा उपक्रम विद्यार्थ्यांच्या शैक्षणिक यशाचे प्रतीक बनला आहे. महात्मा जोतीराव फुले हायस्कूलने आणखी एक अभिमानाचा क्षण गाजवला आहे, आणि ग्रामीण भागातील विद्यार्थ्यांच्या उज्ज्वल भविष्यातील पाऊल ठेवले आहे.