शिक्षक क्षमता वृद्धी प्रशिक्षणात शिक्षकाने अपडेट राहणे गरजेचे- गटशिक्षणाधिकारी रावसाहेब पाटील

शिक्षक क्षमता वृद्धी प्रशिक्षणात शिक्षकाने अपडेट राहणे गरजेचे- गटशिक्षणाधिकारी रावसाहेब पाटील

अमळनेर प्रतिनिधी
अमळनेर येथील प्रताप हायस्कूलमध्ये ११ फेब्रुवारी ते १५ फेब्रुवारी२०२५ असे पाच दिवसीय आयोजित केले आहे.
अमळनेर पंचायत समितीचे गटशिक्षणाधिकारी रावसाहेब पाटील यांनी कुल नंबर १ ला भेट दिली असता त्यांनी मार्गदर्शन करतांना सांगितले कि शिक्षकांचा विकास हा शिक्षणाच्या गुणवत्तेचा मुख्य आधार आहे, अशी माहिती गटशिक्षणाधिकारी रावसाहेब पाटील यांनी शिक्षक क्षमता वृद्धी प्रशिक्षणाच्या उद्घाटन सत्रात दिली. “शिक्षकांनी सदैव अद्ययावत राहणे अत्यंत आवश्यक आहे, कारण शिक्षण क्षेत्रात नवे तंत्रज्ञान, उपाययोजना आणि नवीन शिक्षण पद्धती सतत बदलत आहेत,” असे त्यांनी स्पष्ट केले.
शिक्षक सक्षमीकरणाच्या या कार्यक्रमात, पाटील यांनी शिक्षकांना प्रगत तंत्रज्ञान आणि शिक्षणाच्या नव्या पद्धतींचा उपयोग करून विद्यार्थ्यांच्या शैक्षणिक स्तरात सुधारणा करण्याचे आवाहन केले. “आधुनिक शिक्षण प्रणालीत समाविष्ट होण्यासाठी, शिक्षकांनी निरंतर शिक्षण व व्यावसायिक विकासाच्या संधींचा लाभ घेणे आवश्यक आहे,” असे ते म्हणाले.
गटशिक्षणाधिकारी रावसाहेब पाटील यांनी प्रशिक्षकांना मार्गदर्शन करतांना विविध शैक्षणिक साधने आणि संसाधनांचा उपयोग करून कसे अधिक प्रभावीपणे अध्यापन करायचे यावर चर्चा केली. त्यांना विश्वास आहे की, जर शिक्षक नेहमी नवीनतम ज्ञान आणि कौशल्ये आत्मसात करत राहिले, तर शिक्षणाचा एक नवा अध्याय उघडेल आणि विद्यार्थ्यांच्या उज्वल भविष्याची घडण अधिक प्रभावीपणे होईल.
या प्रशिक्षण कार्यकमात भाग घेणाऱ्या सर्व शिक्षकांनी पाटील यांच्या सूचनांचे गांभीर्याने पालन करून आपल्या अध्यापन क्षमतेत वाढ करण्याचा प्रयत्न करावा, असे त्यांनी आवाहन केले.

गटशिक्षणाधिकारी रावसाहेब पाटील यांचे तंज्ञ शिक्षक शरद पाटील यांनी स्वागत केले.
प्रशिक्षणात तंज्ञ मार्गदर्शक सोपान भवरे, शरद पाटील, मुकेश पाटील, चेतन पाटील, स्मिता वानखडे आणि नेहा पाटील शालेय प्रशिक्षणात
उत्तम करीत आहेत.
या कार्यक्रमाच्या यशस्वी अंमलबजावणीसाठी पंचायत समितीचे गटशिक्षणाधिकारी रावसाहेब पाटील यांच्या मार्गदर्शनाखाली प्रमोद पाटील व देवेंद्र पाटील सर काम पाहत आहे..
राष्ट्रीय शैक्षणिक धोरण (NEP) भारत सरकारच्या शिक्षण क्षेत्रातील एक महत्त्वपूर्ण दस्तऐवज आहे, ज्याद्वारे शिक्षणामध्ये नवीन दिशा आणि सुधारणा साध्य केली जात आहे. या प्रशिक्षणामुळे शिक्षणाच्या गुणवत्तेत लक्षणीय वाढ होण्याची आशा आहे.