अमळनेर तालुक्यातील 13 ग्रामपंचायतींसाठी सरपंच आरक्षण ठरविण्यासाठी बैठक – सर्वांना उपस्थित राहण्याचे तहसीलदार यांचे आवाहन!

अमळनेर तालुक्यातील 13 ग्रामपंचायतींसाठी सरपंच आरक्षण ठरविण्यासाठी बैठक – सर्वांना उपस्थित राहण्याचे तहसीलदार यांचे आवाहन!

अमळनेर प्रतिनिधी(ईश्वर महाजन)
जळगाव जिल्हाधिकारी यांची अधिसूचना क्रमांक साशा/ग्रामप/कावि//2025, दिनांक 24/01/2025 नुसार, अमळनेर तालुक्यातील हिंगोणे बु, दहिवद, दहिवद खु, कुन्हे खु, मालपुर, खडके, लोणसिम, लोण बु, तळवाडे, निसीं, धार, रणाईचे बु, रणाईचे खु या 13 ग्रामपंचायतींमध्ये अनुसूचित जाती, अनुसूचित जमाती, नागरीकांचा मागास प्रवर्ग आणि सर्वसाधारण प्रवर्गासाठी सरपंच आरक्षण निश्चित करण्यात येणार आहे.
या संदर्भात सर्व नागरीक, राजकीय पदाधिकारी, सरपंच आणि ग्रामपंचायत सदस्यांना विशेष निवेदनाद्वारे कळवण्यात आले आहे की, ही महत्त्वाची बैठक 30/01/2025 रोजी नगरपरिषद कार्यालयाच्या बैठक सभागृहात, अमळनेर येथे सकाळी 11.00 वाजता होणार आहे.
यामध्ये महिलांसाठी उपयुक्त ठरतील अशा आरक्षणांच्या बाबतीत विशेष चर्चा केली जाणार असून, अनुसूचित जाती, अनुसूचित जमाती, नागरीकांचा मागास प्रवर्ग व सर्वसाधारण प्रवर्गातील महिलांसाठी राखून ठेवल्या जाणाऱ्या सरपंच पदांचा समावेश असणार आहे.
तहसीलदार रुपेशकुमार सुराणा यांनी कळविलेल्या पत्रकानुसार, या आरक्षण सोडतीसाठी सर्व संबंधित व्यक्तींनी उपस्थित राहणे आवश्यक आहे. हे बैठकीतून या ग्रामपंचायतींमधील सर्वसमावेशक प्रतिनिधित्व सुनिश्चित करण्यात मदत करेल, असे सांगण्यात आले आहे.