अमळनेरच्या डॉक्टर सौ. निकिता आयरे-गुरव यांना मिळालेलं अद्वितीय यश!

अमळनेरच्या डॉक्टर सौ. निकिता आयरे-गुरव यांना मिळालेलं अद्वितीय यश!

अमळनेर प्रतिनिधी
– अमळनेर येथील प्रतिभाशाली दंत चिकित्सक डॉक्टर सौ. निकिता सर्वेश आयरे-गुरव यांनी कॅनडा येथील नॅशनल डेंटल एक्झामिनिंग बोर्ड ऑफ कॅनडा (NDEBC) ने घेतलेल्या नॅशनल डेंटल एक्झाम ऑफ क्लिनिकल कॉम्पिटन्स (NDECC) लेव्हल-३ परीक्षा यशस्वीरित्या उत्तीर्ण केली आहे.
या परीक्षेची काठिण्य पातळी भारतातल्या UPSC द्वारे घेतल्या जाणाऱ्या भारतीय प्रशासकीय सेवेच्या समतुल्य आहे, ज्यामुळे सौ. निकिता यांच्या यशाचे महत्त्व अधिक गडद होते. यापुढे, त्या भारतासह कॅनडा, ऑस्ट्रेलिया, न्यूझीलंड आणि अमेरिकेतील काही राज्यांमध्ये स्वतंत्रपणे प्रॅक्टिस करण्यास सक्षम असतील.
सौ. निकिता, अमळनेर येथील सेवानिवृत्त RTO सुनील गुरव व मनीषा गुरव यांची कन्या असून, तिच्या यशामुळे तिचे कुटुंब आणि संपूर्ण शहर गौरवाने भरून गेले आहे.
विदेशात, विशेषतः अमेरिका, कॅनडा, युके, ऑस्ट्रेलिया आणि न्यूझीलंडमध्ये दात आणि डोळ्यांची उपचार सेवा अत्यंत खर्चिक असल्याने भारतीय वंशाचे नागरिक भारतात येऊन उपचार घेणे अधिक सोयीचे मानतात.
याच कारणामुळे त्याठिकाणच्या डेंटिस्ट आणि ऑप्थॅल्मिस्टांची प्रॅक्टिस तुफान आहे, ज्यामुळे ते आलिशान बंगले आणि सुविधा मिळवतात. तथापि, या देशांत प्रॅक्टिस करणे तितकं सोपे नाही; प्रत्येक डॉक्टरला त्या देशात दाखल होण्यासाठी अर्हता परीक्षा उत्तीर्ण करावी लागते. बरेच डॉक्टर या परीक्षेत अनेक प्रयत्न करूनही यशस्वी होत नाहीत, ज्यामुळे ते मदतनीस म्हणून काम करण्यात समाधान मानतात.
सौ. निकिता यांचे या अत्याधुनिक यशाबद्दल त्यांनी जिथे जिथे काम केले तिथे सर्वत्र अभिनंदन होत आहे, आणि या यशामुळे इतर डॉक्टर्ससाठी एक प्रेरणा बनली आहे!