स्वामी विवेकानंद कनिष्ठ महाविद्यालयात सेवा संकल्प अभियानांतर्गत वक्तृत्व स्पर्धा संपन्न.

जळगांव प्रतिनिधी

-येथील खान्देश कॉलेज एज्युकेशन सोसायटी संचालित स्वामी विवेकानंद कनिष्ठ महाविद्यालयात शिक्षण विभागाच्या वतीने राबविण्यात येत असलेल्या सेवा संकल्प अभियानांतर्गत नुकतेच इंग्रजी विभागाच्या वतीने वक्तृत्व स्पर्धेचे आयोजन करण्यात आले होते.

या स्पर्धेसाठी Importance of Yoga, Impact of AI on Education System, Global Warming, Importance of teacher in shaping our future या विषयांवर विद्यार्थ्यांनी अतिशय सखोल, अभ्यासपूर्ण, मुद्देसूद विचार मांडले. यात एकूण २२ विद्यार्थ्यांनी सहभाग नोंदविला.

या स्पर्धेत चि.इलियास अब्दुल कादीर आरसीवाला याने प्रथम क्रमांक पटकावला. तर द्वितीय क्रमांक चि.पुष्कराज दीपक चौधरी आणि कु.वनिता ललित तळेले, तृतीय क्रमांक कु.उत्कर्षा किशोर पाटील आणि कु.भूमिका सुनील बोपाटे या विद्यार्थ्यांनी पटकाविला. कु.तनिष्का संजय वाघ, कु.तेजस्विनी प्रवीण पाटील या उत्तेजनार्थ पारितोषिकाच्या मानकरी ठरल्या.

या स्पर्धेचे परीक्षण जेष्ठ शिक्षक डॉ.अतुल इंगळे यांनी केले. विजेत्यांना प्रा.राजश्री महाजन (उपप्राचार्या), प्रा. शिल्पा सरोदे (पर्यवेक्षिका), समन्वयकद्वय प्रा. उमेश पाटील,प्रा.गुणवंत वंजारी यांच्या शुभहस्ते प्रमाणपत्र व भेटवस्तू देऊन गौरविण्यात आले.कार्यक्रमाचे सूत्रसंचालन प्रा.दिपक चौधरी तर आभार प्रदर्शन प्रा.संदीप गव्हाळे यांनी केले.

याप्रसंगी विजेत्या विद्यार्थ्यांनी मनोगत व्यक्त करतांना स्पर्धेमुळे आम्हास विचार व्यक्त करता आले,आमचे सभाधारिष्ट्य वाढल्याचे आवर्जून व्यक्त केले. स्पर्धेच्या आयोजनासाठी प्रा.रुपम निळे, डॉ.जयंत इंगळे, प्रा.सुरेखा पाटोळे,प्रा. योगेश धनगर,प्रा. संदीप गव्हाळे यांनी परिश्रम घेतले.