५६ रक्तदात्यांनी दिला माणुसकीचा संदेश; पवनपुत्र गणेश मंडळाचा सामाजिक बांधिलकीचा आदर्श रक्तदान शिबिराला उत्स्फूर्त प्रतिसाद; डी.वाय.एस.पी. विनायक कोते यांच्या हस्ते रक्तदात्यांचा सन्मान

५६ रक्तदात्यांनी दिला माणुसकीचा संदेश; पवनपुत्र गणेश मंडळाचा सामाजिक बांधिलकीचा आदर्श

रक्तदान शिबिराला उत्स्फूर्त प्रतिसाद; डी.वाय.एस.पी. विनायक कोते यांच्या हस्ते रक्तदात्यांचा सन्मान

अमळनेर प्रतिनिधी

पवनपुत्र गणेश उत्सव मित्र मंडळ, भोईवाडा यांच्या वतीने आयोजित करण्यात आलेल्या रक्तदान शिबिराला उत्स्फूर्त प्रतिसाद मिळाला. या शिबिरात ५६ रक्तदात्यांनी रक्तदान करून सामाजिक बांधिलकीचा प्रेरणादायी आदर्श निर्माण केला.

यावेळी डी.वाय.एस.पी. विनायक कोते यांनी रक्तदान करणाऱ्या युवकांचे कौतुक केले. त्यांच्या हस्ते रक्तदात्यांना प्रमाणपत्र देऊन सन्मानित करण्यात आले. युवकांनी सामाजिक कार्यात घेतलेला पुढाकार कौतुकास्पद असल्याचे त्यांनी सांगितले.

पी.आय. दत्तात्रय निकम यांनी युवकांना रक्तदानाचे महत्त्व आणि त्यातून गरजू रुग्णांना मिळणाऱ्या मदतीबाबत उपयुक्त माहिती दिली.

या सामाजिक उपक्रमाचे आयोजन मंडळाचे अध्यक्ष सुदाम भोई आणि स्वप्नील शिंगाणे यांच्या पुढाकाराने करण्यात आले. रक्तदान चळवळीचे प्रमुख मनोज शिंगाणे यांनी, “यापुढेही आपल्या परिसरात सामाजिक कार्य सातत्याने सुरू ठेवणार असून, समाजहितासाठी आम्ही सदैव तत्पर राहू,” असा विश्वास व्यक्त केला.

या कार्यक्रमाला उपनगराध्यक्ष प्रशांत निकम, अर्बन बँकेचे रणजित शिंदे आणि अमेय मुंदडा यांची विशेष उपस्थिती लाभली.

रक्तदान उपक्रमासाठी योगेश भोई, सचिन बारी, यश चौधरी, स्वप्नील शिंगाणे, गणेश शिंगाणे, पंकज बाविस्कर, भूषण भोई, प्रवीण शिंगाणे, योगेश राजपूत, अजय शिंगाणे, चेतन कोळी, गुरुदास कोळी, कृष्णा चौधरी, सुनील कोळी, दीपक ढोले, पंकज ढोले, सागर भोई, सागर शिंगाणे, सुकदेव चौधरी, रोहन वडिले, गणेश भोई, राजेंद्र भोई, गंगाराम भोई, जयेश भोई, राकेश शिवदे, देविदास साटोटे, योगेश भोई, गणेश कोळी, ज्ञानेश्वर कोळी, संदीप भोई, किशोर शिंगाणे आदी युवकांनी रक्तदान केले.

तसेच जितू कोळी, दिनेश भोई, स्वप्नील कोळी, राजमल शिंगाणे, परशुराम कोळी, उमेश महाजन, राहुल भोई, शशिकांत कोळी, विक्की भोई, भीका कोळी, साई भोई आणि किरण चौधरी यांचेही या उपक्रमासाठी मोलाचे सहकार्य लाभले.

रक्तदान करा — जीवनदान द्या!

जनजागृतीतून परिवर्तन आणि सेवेतून समाजाचा विकास!