टेबल टेनिसमध्ये पी.बी.ए.च्या मुलींचा डंका; जिल्हास्तरीय विजेतेपदासह विभागीय स्पर्धेत प्रवेश

अमळनेर प्रतिनिधी

जळगाव येथे अनुभूती इंटरनॅशनल इंग्लिश मीडियम स्कूल मध्ये जिल्हास्तरीय टेबल टेनिस वर्ष वयोगट सतरा वर्ष या स्पर्धेचे आयोजन करण्यात आले होते. जळगाव जिल्ह्यातून अनेक नामांकित प्रतिष्ठित शाळांनी उपरोक्त स्पर्धेमध्ये आपला उत्स्फूर्तपणे सहभाग नोंदवला होता. अतिशय चुरशीच्या, कस पणास लावणाऱ्या पण तेवढ्याच उत्कंठावर्धक या वातावरणामध्ये या स्पर्धा संपन्न झाल्या. तीन ते चार पात्रता फेरी सामना खेळत नामांकित संघ शाळांना नमवीत पी.बी.ए.इंग्लिश मेडियम स्कूलच्या वर्ष वयोगट 17 मुलीच्या संघाने ऐतिहासिक सुवर्णमय कामगिरी करीत उपान्त्यपूर्व सामन्यात रुस्तम इंग्लिश मीडियम स्कूलला नमवीत अंतिम सामन्यात अनुभूती स्कूलला पराजित करून जिल्हास्तरावर प्रथम क्रमांकाचे विजेते पद प्राप्त करून आकाशाला गवसणी घालावी या उक्तीप्रमाणे विजयश्री प्राप्त केली. या संघाच्या चमुची निवड विभागीय स्पर्धेसाठी झाली. ऐतिहासिक कामगिरी करणाऱ्या मुली खेळाडू संघ अक्षरा जे. पाटील, विनिता डी. कोळी ,हर्षिता जे. वाधवानी, हिताक्षी ए.पाटील, ग्रंथी के. पटेल ह्या उपरोक्त स्प्रूहणीय कामगिरी करीत प्रशंसेच्या पात्र ठरल्या.

या विद्यार्थ्यांना तंत्रशुद्ध प्रशिक्षण क्रीडा शिक्षक रोहन मुंदडा,महेश माळी, विनायक सूर्यवंशी यांचे मार्गदर्शन प्राप्त झाले. तसेच शिक्षकेतर कर्मचारी मंगलबाई पाटील यांचे विशेष सहकार्य लाभले. या विजयश्री प्राप्त केलेल्या विद्यार्थिनींचे अभिनंदन गोड कौतुक व सन्मान शाळेचे चेअरमन डॉ.संदेश गुजराथी, मुख्याध्यापक जे.एस. देवरे, पर्यवेक्षक महेश माळी, पर्यवेक्षिका मीनाक्षी बारी, प्रशांत वंजारी,अश्विन चौधरी व शिक्षक वृंद व शिक्षकेतर कर्मचारी वृंदवर्ग यांनी केले.