महामानवाचा जागर! फार्मासी महाविद्यालयात डॉ. बाबासाहेब आंबेडकर जयंतीचा अभूतपूर्व उत्साह*

*महामानवाचा जागर! फार्मासी महाविद्यालयात डॉ. बाबासाहेब आंबेडकर जयंतीचा अभूतपूर्व उत्साह*

खान्देश शिक्षण मंडळ संचालित स्व पंढरीनाथ छगनशेठ भांडारकर कॉलेज ऑफ डी.फार्मासी व स्व.र.का.केले.काॅलेज ऑफ बी. फार्मासी महाविद्यालयात भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांची १३५ वी जयंती अत्यंत उत्साहात आणि प्रेरणादायी वातावरणात साजरी करण्यात आली.

कार्यक्रमाची सुरुवात महाविद्यालयाचे प्राचार्य प्रा.डाॅ.रविन्द्र स. सोनवणे यांच्या हस्ते डॉ. बाबासाहेब आंबेडकरांच्या प्रतिमेस पुष्पहार अर्पण करून करण्यात आली. यावेळी ‘महामानव डॉ. बाबासाहेब आंबेडकरांचा विजय असो’ अशा घोषणांनी महाविद्यालय परिसर दुमदुमून गेला होता.

प्रा.डाॅ.एम.एस वाघ यांनी आपल्या भाषणात नमूद केले की, डॉ. बाबासाहेबांचे विचार केवळ एका समाजापुरते मर्यादित नसून ते संपूर्ण मानवजातीसाठी मार्गदर्शक आहेत. विद्यार्थ्यांनी त्यांच्या संघर्षातून प्रेरणा घेऊन संशोधनाच्या क्षेत्रात देशाचे नाव उज्ज्वल करावे, असे आवाहन त्यांनी केले.

​”शिक्षण, संघटन आणि संघर्ष हाच प्रगतीचा खरा मार्ग आहे.” — या विचाराचा जागर करत कार्यक्रमाची सांगता करण्यात आली.

​या कार्यक्रमाला महाविद्यालयातील प्रा.प्रितम पाटील, प्रा.छाया महाजन, प्रा.स्वप्नाली महाजन, प्रा.वैशाली कुळकर्णी, प्रा.मानसी उपासनी, प्रा.शिवानी शर्मा तसेच कार्यालयीन अधीक्षक श्री.अनिल महाजन, श्री.सुजित अमळकर, श्री.जितेन्द्र पाटील,श्री.कैलास कड, श्री.प्रकाश पाटील,श्री.प्रशांत चौधरी श्री. रोहित मकवाना, श्री.यश शिंपी उपस्थित होते.