एक थेंब रक्त वाचवू शकते प्राण! क्लाराज कॉलेज ऑफ कॉमर्स आणि महात्मा गांधी ब्लड सेंटरचा संयुक्त उपक्रम

मुंबई(विशेष प्रतिनिधी उदय नरे)

समाजाप्रती आपले उत्तरदायित्व जपत, वर्सोवा येथील नामांकित क्लाराज कॉलेज ऑफ कॉमर्समध्ये भव्य रक्तदान शिबिराचे आयोजन करण्यात आले आहे. येत्या रविवार, दिनांक १४ डिसेंबर २०२५ रोजी सकाळी ८:३० ते रात्री ९:३० या वेळेत महाविद्यालयाच्या ५ व्या मजल्यावरील सभागृहात हा उपक्रम पार पडणार आहे.

महाविद्यालयाचे प्राचार्य श्री. अजय कौल सर यांच्या विशेष मार्गदर्शनाखाली आणि नेतृत्वाखाली या शिबिराचे आयोजन करण्यात आले आहे. विद्यार्थ्यांमध्ये आणि समाजामध्ये रक्तादानाचे महत्त्व रुजवणे आणि गरजू रुग्णांचे प्राण वाचवणे, हा या शिबिराचा मुख्य उद्देश आहे.

हे रक्तदान शिबीर ‘महात्मा गांधी ब्लड सेंटर’ यांच्या सहकार्याने आयोजित करण्यात आले आहे. “रक्ताचा एक थेंब, अनंत आशेची ठिणगी पेटवू शकतो,” या उक्तीप्रमाणे महाविद्यालयाने या उदात्त कार्यासाठी पुढाकार घेतला आहे.

या शिबिरात सहभागी होणाऱ्या रक्तदात्यांचा यावेळी विशेष गौरव करण्यात येणार आहे. तरी, महाविद्यालयातील विद्यार्थी, पालक आणि परिसरातील जागरूक नागरिकांनी या राष्ट्रीय कार्यात उत्स्फूर्तपणे सहभागी होऊन रक्तदान करावे, असे आवाहन आयोजकांतर्फे करण्यात आले आहे.

कार्यक्रमाचा तपशील:

दिनांक: रविवार, १४ डिसेंबर २०२५
वेळ: सकाळी ०८:३० ते रात्री ०९:३०
स्थळ: ५ वा मजला हॉल, क्लाराज कॉलेज ऑफ कॉमर्स, यारी रोड, वर्सोवा, मुंबई – ४०००६१.
सहयोगी संस्था: महात्मा गांधी ब्लड सेंटर
अधिक माहितीसाठी संपर्क:

या शिबिराविषयी अधिक माहितीसाठी किंवा नाव नोंदणीसाठी खालील क्रमांकावर संपर्क साधावा:

श्रीमती शलाका नाईक: ८८९८००८८७३
श्रीमती रुचिता: ७५०६२०१८०९