श्री वाणी विद्याशाला हायस्कूल कल्याण संघ जिल्हास्तरीय रोलबॉल स्पर्धेत विजयी! यशाचे शिखर हे विद्यार्थ्यांची कठोर मेहनत, समर्पण आणि खेळाडूवृत्तीचा पुरावा आहे.: पर्यवेक्षक गजानन वाघ

श्री वाणी विद्याशाला हायस्कूल कल्याण संघ जिल्हास्तरीय रोलबॉल स्पर्धेत विजयी!

यशाचे शिखर हे विद्यार्थ्यांची कठोर मेहनत, समर्पण आणि खेळाडूवृत्तीचा पुरावा आहे.: पर्यवेक्षक गजानन वाघ

ठाणे:कल्याण( मनिलाल शिंपी)
कल्याण डोंबिवली महानगरपालिका क्रीडा व सांस्कृतिक विभाग अंतर्गत, उपायुक्त यांचा आदेशानुसार व क्रीडा पर्यवेक्षक प्रवीण कांबळे यांच्या मार्गदर्शनाखाली जिल्हास्तरीय रोलबॉल स्पर्धेचे आयोजन करण्यात आले होते.या स्पर्धेत श्री वाणी विद्याशाला हायस्कूल कल्याण ने पुन्हा एकदा आपली क्रीडा कौशल्ये प्रदर्शित करत, जिल्हास्तरीय रोलबॉल स्पर्धेत विजेतेपद पटकावले आहे!
शाळेच्या 14 वर्षांखालील मुलांच्या आणि मुलींच्या दोन्ही संघांनी विजेतेपदाचा मान मिळवला असून, आगामी विभागीय स्तरीय स्पर्धेत त्यांनी आपले स्थान निश्चित केले आहे.
17 वर्षांखालील मुलींच्या संघाने उत्कृष्ट कौशल्य दाखवत उपविजेतेपद पटकावले, तर 17 वर्षांखालील मुलांच्या संघाने कौतुकास्पद तिसरे स्थान मिळवले.
साउथ इंडियन असोसिएशनच्या कौन्सिल सदस्यांनी, मुख्याध्यापिका श्रीमती अंजना रेड्डी, पर्यवेक्षक श्री गजानन वाघ, क्रीडा शिक्षक आतिश ठाणगे, शमहेश पवार आणि शिक्षिका श्रीमती वर्षा पद्ममन यांच्यासह सर्व विजयी संघ आणि सहभागी स्पर्धकांचे मनःपूर्वक अभिनंदन केले. हे उत्कृष्ट यश विद्यार्थ्यांची कठोर मेहनत, समर्पण आणि खेळाडूवृत्तीचा पुरावा आहे.
तसेच राष्ट्रीय रोल बॉल संघटना सचिव श्री प्रताप पगार, कल्याण डोंबिवली क्रीडा समिती सदस्य व अग्रवाल कॉलेज चे क्रीडा संचालक डॉ विजय सिंग, अनिकेत वानखेडे, प्रणव गायकर,यांच्यासह सर्व क्रीडा संघटक यांनी विजयी संघाचे व शाळेचे हार्दिक अभिनंदन आणि कौतुक केले.