नवीन नेतृत्व, नवी वाटचाल – अखिल महाराष्ट्र राज्य केंद्रप्रमुख संघटनेची जळगाव जिल्हा कार्यकारिणी जाहीर” , “मनोज माळी यांच्यावर विश्वास — जळगाव जिल्हाध्यक्षपदी सर्वानुमते निवड!”

“नवीन नेतृत्व, नवी वाटचाल – अखिल महाराष्ट्र राज्य केंद्रप्रमुख संघटनेची जळगाव जिल्हा कार्यकारिणी जाहीर”

“मनोज माळी यांच्यावर विश्वास — जळगाव जिल्हाध्यक्षपदी सर्वानुमते निवड!”

अमळनेर प्रतिनिधी :
अखिल महाराष्ट्र राज्य केंद्रप्रमुख संघटनेची जळगाव जिल्हा कार्यकारिणी निवड आज दिनांक ९ नोव्हेंबर २०२५ (रविवार) रोजी जळगाव येथे उत्साहात पार पडली. या बैठकीस संघटनेचे राज्याध्यक्ष डॉ. राजेंद्र चौधरी, राज्य सरचिटणीस घनश्याम बैरागी, धुळे जिल्हाध्यक्ष बाबासाहेब बढे, तसेच दत्तू लोंढे हे मान्यवर उपस्थित होते. जिल्ह्यातील सर्व नियमित केंद्रप्रमुखांनी उपस्थित राहून कार्यक्रमाला उत्साहपूर्ण प्रतिसाद दिला.
बैठकीत संघटनेच्या कामकाजाचा आढावा घेऊन राज्य व जिल्हा स्तरावरील पदनियुक्त्या करण्यात आल्या. संघटनेच्या प्रभावी बळकटीकरणासाठी राज्याध्यक्ष डॉ. राजेंद्र चौधरी यांनी श्री. रामकृष्ण सर्जेराव बाविस्कर यांची राज्य उपाध्यक्ष म्हणून आणि श्री. सुनील भागवत चौधरी यांची राज्य सरचिटणीस म्हणून नियुक्ती जाहीर केली. जळगाव जिल्ह्यातील कार्यकारिणीमध्ये श्री. मनोज अर्जुनराव माळी यांची जिल्हाध्यक्ष, श्री. ज्ञानेश्वर जुलाल पाटील यांची जिल्हा सरचिटणीस, श्री. देवेंद्र भास्कर पाटील यांची जिल्हा कार्याध्यक्ष तर सौ. मनीषा रामकृष्ण सोनवणे यांची जिल्हा कोषाध्यक्ष म्हणून सर्वानुमते नियुक्ती करण्यात आली. तसेच राज्य कार्यकारिणी सदस्य व गटशिक्षणाधिकारी बोदवड येथे कार्यरत सौ. अनिता माणिकसिंग परमार यांची उपस्थिती कार्यक्रमाचे वैशिष्ट्य ठरली.
कार्यक्रम यशस्वी करण्यासाठी जळगाव जिल्ह्यातील नियमित केंद्रप्रमुखांचे मौल्यवान सहकार्य लाभले. तसेच एरंडोल येथील प्रभारी केंद्रप्रमुख श्री. सुनील महाजन यांनीही महत्त्वपूर्ण योगदान दिले. कार्यक्रमाचे सूत्रसंचालन श्री. ज्ञानेश्वर पाटील यांनी तर आभार प्रदर्शन श्री. देवेंद्र पाटील यांनी केले. सुरुची भोजनाच्या आस्वादानंतर कार्यक्रमाची सांगता झाली.
नवीन नेतृत्वामुळे संघटनेच्या कार्यास नवा वेग मिळेल आणि राज्यभरातील केंद्रप्रमुखांचे प्रश्न सोडवण्यासाठी काम अधिक प्रभावी होईल, असा विश्वास सर्वांनी व्यक्त केला. सर्व नवनियुक्त पदाधिकाऱ्यांचे मनःपूर्वक अभिनंदन आणि पुढील वाटचालीसाठी हार्दिक शुभेच्छा.