🌿 निसर्गासाठी काव्य… अनुपमाताईंनी दिला साहित्यिक सौंदर्याचा हिरवा साज 🌿 ज्येष्ठ साहित्यिका व आदरणीय शिक्षिका अनुपमाताई जाधव यांच्या वाढदिवसानिमित्त विशेष काव्यलेखन उपक्रमास भरभरून प्रतिसाद

🌿 निसर्गासाठी काव्य… अनुपमाताईंनी दिला साहित्यिक सौंदर्याचा हिरवा साज 🌿

ज्येष्ठ साहित्यिका व आदरणीय शिक्षिका अनुपमाताई जाधव यांच्या वाढदिवसानिमित्त विशेष काव्यलेखन उपक्रमास भरभरून प्रतिसाद

अमळनेर प्रतिनिधी(ईश्वर महाजन)
ज्येष्ठ साहित्यिक, उपक्रमशील शिक्षिका आणि संवेदनशील व्यक्तिमत्त्वाच्या मानकरी आदरणीय अनुपमाताई जाधव यांच्या वाढदिवसानिमित्त २७ व २८ जून २०२५ रोजी एक आगळावेगळा उपक्रम राबविण्यात आला — काव्य लेखन स्पर्धा!

“निसर्गासारखा नाही रे सोयरा”
व
“निसर्गास घातक प्रदूषण”
या समाजभान जागवणाऱ्या विषयांवर आधारित या काव्यस्पर्धेत राज्यभरातून शिक्षक, कवी, साहित्यिक, विद्यार्थी आणि मित्रपरिवारातील व्यक्तींनी भरभरून सहभाग नोंदवला.
या संपूर्ण उपक्रमात सहभागी प्रत्येक कवी-साहित्यिकांना सन्मानपत्र प्रदान करून गौरविण्यात आले. वाढदिवस साजरा करतांना सामाजिक आणि पर्यावरणविषयक भान ठेवणारा हा उपक्रम खरोखरच स्तुत्य आणि अनुकरणीय ठरला आहे.
या निमित्ताने अनेक नामवंतांनी अनुपमाताईंच्या साहित्य, शिक्षण व सामाजिक कार्य याबद्दल कौतुकाची थाप दिली व शुभेच्छांचा वर्षाव केला. त्यांच्या कार्याची दखल विविध माध्यमांनी घेतली असून, मराठी लाईव्ह न्यूज, दैनिक महाराष्ट्र सारथी, दैनिक शब्दगंगा, आम्ही मुंबईकर, विकासनामा न्यूज या नामवंत वेबपोर्टल्स व वृत्तपत्रांमध्ये त्यांच्या उपक्रमाचे सविस्तर वृत्त प्रकाशित करण्यात आले.
अनुपमाताईंनी केवळ एक काव्य स्पर्धा भरवली नाही, तर पर्यावरण रक्षणासाठी लेखणीच्या माध्यमातून लोकजागृतीची एक सशक्त चळवळ उभी केली आहे. त्यांच्या प्रेरणादायी कार्याला आमचा मन:पूर्वक सलाम!