**”अमळनेरच्या ७ वर्षांच्या मृगांक सागर पाटील याला मोतीलाल फिरोदिया राज्यस्तरीय बुद्धिबळ स्पर्धेत तिसरा क्रमांक!”**

**”अमळनेरच्या ७ वर्षांच्या मृगांक सागर पाटील याला मोतीलाल फिरोदिया राज्यस्तरीय बुद्धिबळ स्पर्धेत तिसरा क्रमांक!”**

अमळनेर प्रतिनिधी(ईश्वर महाजन)
अहिल्यादेवीनगर येथे ७ मे ते ११ मे दरम्यान मोठ्या उत्साहात पार पडलेल्या मोतीलाल फिरोदिया राज्यस्तरीय बुद्धिबळ स्पर्धेत अमळनेर येथील सात वर्षांच्या मृगांक सागर पाटील यांनी तिसरा क्रमांक मिळवून मोठे यश मिळवले आहे. या राज्यस्तरीय स्पर्धेचे आयोजन बुद्धिबळ खेळाच्या उमेदवारांना प्रोत्साहन देण्यासाठी करण्यात आले होते आणि यात राज्यभरातील अनेक हुशार आणि प्रतिभावान खेळाडू सहभागी झाले होते.
मृगांक सागर पाटील हा स्वामी विवेकानंद स्कूलमध्ये शिकत असून त्याच्या बुद्धिबळ कौशल्यामुळे प्रेक्षक आणि मंडळी मंत्रमुग्ध झाल्या. तो डॉक्टर सागर पाटील व प्रा. प्रियंका पाटील यांचा सुपुत्र असून, लहान वयातच बुद्धिबळ खेळातील उत्तमोत्तम कामगिरीने तो मोठ्या अभिमानाचा विषय ठरला आहे.
स्पर्धेतील अप्रतिम कामगिरीसाठी मृगांकला चषक, प्रमाणपत्र आणि रोख रक्कम अशी गौरवपात्र बक्षिसे देण्यात आली. यावेळी त्याच्या त्यांनी कुटुंबीयांसह शिक्षक वर्गाने देखील त्याला शुभेच्छा दिल्या आणि पुढील काळात अजून यश मिळवण्यासाठी सल्ला व प्रेरणा दिली. यामध्ये माजी मंत्री अनिल पाटील, शाळेचे प्राचार्य आणि क्रीडा शिक्षक या कार्यक्रमाला उपस्थित होते, त्यांनी देखील मृगांकच्या या यशाबद्दल त्याचे मनापासून अभिनंदन केले.
मृगांकच्या यशामुळे अमळनेर तालुक्याचा गौरव वाढला असून, बुद्धिबळक्रीडा क्षेत्रात येणाऱ्या नवीन पिढीसाठी ही मोठी प्रेरणा ठरणार आहे. भविष्यातही तो असेच उत्कृष्ट प्रदर्शन करीत आपला आणि आपल्या गावाचा नाम उज्व्वल करेल अशी आशा या सर्वांच्या मनात आहे.