मातृसत्त्वाचा सन्मान – 8 मार्च रोजी जेष्ठ नागरिक कार्यक्रमाचे उत्साहात आयोजन

मातृसत्त्वाचा सन्मान – 8 मार्च रोजी जेष्ठ नागरिक कार्यक्रमाचे उत्साहात आयोजन

अमळनेर प्रतिनिधी
8 मार्च या जागतिक महिला दिनानिमित्त, माँ जिजाऊ जेष्ठ नागरिक महिला मंडळ आणि पूज्य साने गुरुजी जेष्ठ नागरिक मंडळ यांनी एकत्र येऊन विशेष कार्यक्रमाचे आयोजन केले. या कार्यक्रमात वय 85 च्या जेष्ठ सदस्य कमलबाई नारायण पाटील यांचा गौरव करण्यात आला.
यावेळी, साने गुरुजी जेष्ठ संचालक मंडळाने कमलबाई यांचा सत्कार करून महिलांचा सन्मान केला आणि त्यांना साडी चोळी प्रमाणपत्र देण्यात आले. प्रमुख वक्त्या विद्या दीदी, ईश्वरिय विश्व विद्यालय प्रजापती ब्रम्ह कुमारीज अंमळनेर, यांनी परमात्मा शिव प्रभूशी संवाद साधण्याच्या पद्धतीवर विचार मांडले, ज्याने उपस्थितांचा मन मोहून घेतला.

या दिवशी आयोजित कार्यक्रमामध्ये दोन्ही मंडळाच्या सदस्यांनी उत्साहाने भाग घेतला. पूज्य साने गुरुजी संचालक मंडळाचे सचिव श्री. एस. एम. आप्पा साहेब आणि अध्यक्ष आण्णा साहेब यांच्याद्वारे मार्गदर्शन मिळाल्याबद्दल कृतज्ञता व्यक्त करण्यात आली.
या यशस्वी कार्यक्रमात माँ जिजाऊ संचालक मंडळाच्या रजनी बी. पाटील (अध्यक्ष), सौ. सुनिता प्रकाश पाटील (उपाध्यक्ष), सौ. शोभा रमेश पाटील (सचिव), सौ. उषा प्रकाश पाटील (सह सचिव) आणि पूजा दगडू पाटील (कोषाध्यक्ष) यांनी महत्त्वाची भूमिका निभावली.
कार्यक्रमाच्या यशस्वीतेसाठी सर्व सभासद, मिनाताई भागवत चव्हाण, सुनंदाताई सुरेश साळुंखे, सुंदरताई हिंमत पवार आणि शंकुंतला गंगाराम लोहार उपस्थित होते. हा संपूर्ण कार्यक्रम आनंदात आणि खेळीमेळीच्या वातावरणात पार पडला, ज्यात मातृसत्त्वाचे मनोबल वाढवले गेले.