जळगाव तालुका स्तरीय पाककृती स्पर्धा उत्साहात संपन्न -प्रधानमंत्री पोषण शक्ती निर्माण योजना अंतर्गत नावीन्यपूर्ण उपक्रम

जळगाव तालुका स्तरीय पाककृती स्पर्धा उत्साहात संपन्न
-प्रधानमंत्री पोषण शक्ती निर्माण योजना अंतर्गत नावीन्यपूर्ण उपक्रम

अमळनेर प्रतिनिधी(ईश्वर महाजन) – पंचायत समिती शिक्षण विभागामार्फत प्रधानमंत्री पोषण शक्ती निर्माण योजने अंतर्गत तालुका स्तरीय पाककृती स्पर्धा घेण्यात आली. पालक, स्वयंपाकी यांचा यामध्ये सहभाग होता. फोर्टिफाईड तांदूळ बाबत जनजागृती करणे, तृणधान्याचे महत्व विद्यार्थ्यांना लक्षात आणून देणे या उद्देशाने सदर स्पर्धा उज्वल इंग्लिश शाळेत आयोजित करण्यात आली.

कार्यक्रमाच्या अध्यक्ष स्थानी गटशिक्षणाधिकारी सरला पाटील होत्या. प्रमुख अतिथी म्हणुन शालेय पोषण आहार अधीक्षक विजय पवार, प्रशासन अधिकारी खलील शेख, शिक्षण विस्तार अधिकारी जितेंद्र चिंचोले उपस्थित होते. परीक्षक म्हणुन प्राचार्या मानसी भदादे, बाल विकास पर्यवेक्षिका अर्चना धामोरे, उपशिक्षिका रुपाली पाटील यांनी कामकाज पाहिले.
प्रास्ताविक शा पो आ अधीक्षक विजय पवार यांनी केले. स्वप्नील बोरसे यांनी सूत्रसंचालन केले. आभार प्रदर्शन मानसी भदादे यांनी केले.
तालुक्यातील शहरी व ग्रामीण महिलांनी यात सहभाग घेतला. तृणधान्यापासून खीर, पकोडे, भाकरी, गुलाब जाम, कतली असे विविध पदार्थ बनवण्यात आले होते.