चाल जाऊ उच्छावनी जत्रामा
चाल जाऊ उच्छावनी जत्रामा
चाल जाऊ उच्छावनी जत्रांमा व
चाल जाऊ उच्छावनी जत्रामा//धृ//
रांगा लाईसन,रथोत्सव दखसूत
सखाराम महाराजनी आरती करसुत
पोरेसोरे समायसुत गर्दीमा
चाल जाऊत उच्छावनी जत्रामा//१//
पावडर लावसुत,लाली लावसुत
काजय भरीसन मेहंदी लावसुत
बिल्लोर भरसुत हातमा
चाल जाऊ उच्छावनी जत्रामा//२//
चाटु चायना सागना भेटतस
लाटना,पाटला मज्याना लिसुत
गायन्या धरसुत हातमा
चाल जाऊ उच्छावनी जत्रामा//३//
दादूले गाडी,दिदिले बाहुली
इशुले भांडा ,निधिले फुगा
बंदूक धरसुत रुबाबमा
चाल जाऊ उच्छावनी जत्रामा//४//
पायना मा बठसूत
जहाजमा खेसुत
जीव धरी बठसूत ब्रेकडान्समा
चाल जाऊ उच्छावनी जत्रामा//५//
पेढा,जिलबी,म्हैसूरपाक
गोडशेव,भजी संगे लिसुत
पावभाजी खासुत हाटेलमा
चाल जाऊ उच्छावनी जत्रामा//६//
कपडालत्ता लिसुत
मौत का कुवा मा जासुत
पिच्चर देखसुत बाल्कनीमा
चाल जाऊ उच्छावनी जत्रामा//७//
सौ रेखा वाल्मिक मराठे
अमळनेर
