शालेय शिक्षण मंत्री दीपक केसरकर यांची,‘दिलखुलास’ कार्यक्रमात मुलाखत

शालेय शिक्षण मंत्री दीपक केसरकर यांची

‘दिलखुलास’ कार्यक्रमात मुलाखत

मुंबई, (विशेष प्रतिनिधी उदय नरे) : राज्यात 15 जून पासून यंदाच्या शैक्षणिक वर्षाला सुरुवात झाली आहे. या शैक्षणिक वर्षात राज्य शासन विद्यार्थ्यांच्या सर्वांगीण प्रगतीसाठी राबवित असलेल्या विविध उपक्रमांची माहिती शालेय शिक्षण मंत्री दीपक केसरकर यांनी 'दिलखुलास' या कार्यक्रमाच्या माध्यमातून दिली आहेत. ही विशेष मुलाखत माहिती व जनसंपर्क महासंचालनालय निर्मित 'दिलखुलास' कार्यक्रमातून ही मुलाखत शनिवार, दि. 17 जून 2023 रोजी सकाळी 7.25 ते 7.40 या वेळेत आकाशवाणीच्या सर्व केंद्रांवरून व 'न्यूज ऑन एआयआर' या मोबाईल ॲपवर प्रसारित होणार आहे. निवेदक विवेक भावसार यांनी ही मुलाखत घेतली आहे.शिक्षण मंत्री महोदयांची मुलाखत नव्या शैक्षणिक वर्षात शिक्षक, विद्यार्थी व पालकांना नक्कीच मार्गदर्शक ठरेल असा आशावाद वरीष्ठ क्रीडा शिक्षक विजय अवसरमोल सरांनी व्यक्त केली आहे.