महिलांनो, कर्करोगाच्या लक्षणांकडे दुर्लक्ष नको ; डॉ.प्राजक्ता गुडे-
महिलांनो, कर्करोगाच्या लक्षणांकडे दुर्लक्ष नको ; डॉ.प्राजक्ता गुडे-
गुरूडे
/ प्रतिनिधी
कँन्सर हा जीवघेणा आजार आहे. हे आपल्याला माहिती आहे. अगदी सुरूवातीच्या स्टेजमध्ये कँन्सरचे निदान झाले नाही, तर रूग्णांचा जीव वाचवणे अवघड असते; परंतु अनेकदा महिला कौटुंबिक जबाबदाऱ्यांमुळे कँन्सरच्या लक्षणांकडे दुर्लक्ष करतात. वेळीच निदान व उपचार न झाल्यामुळे कँन्सर बळवण्याची शक्यता अधिक असते. मात्र बऱ्याच महिलांना कँन्सर बद्दल माहितीच नसते. त्याकरिता महिलांनो, कर्करोगाच्या लक्षणांकडे दुर्लक्ष नको असे मत प्रसिध्द स्त्रीरोग तज्ञ तथा वंध्यत्व निवारण सेंटरच्या कॉल्पोस्कोपी तज्ञ डाॅ.प्राजक्ता नितीन गुडे-गुरूडे यांनी केले.
माहेर मॕटनिटी हॉस्पिटल व न्युक्लिअस टेस्ट टयुब बेबी सेंटर उदगीर, वसुंधरा महिला मंंडळ, जिजामाता महिला मंंडळ अतनूर, जनक्रांती डोंगरी विकास बहुउद्देशीय सेवाभावी संस्था अतनूरच्या संयुक्त विधेमाने आयोजित हॉस्पिटलच्या हॉलमध्ये (दि.५) रविवारी रोजी कर्करोग दिवसानिमित्त आयोजित कार्यक्रमात त्या प्रमुख पाहुण्या म्हणून बोलत होत्या. कार्यक्रमाच्या अध्यक्षस्थानी ग्राहक पंचायत महाराष्ट्र राज्याचे लातूर जिल्हासंघटक बालासाहेब गोविंदराव शिंदे अतनूरकर, वसुंधरा महिला मंडळाच्या अध्यक्षा सौ.रूक्मिणी सोमवंशी, जिजामाता महिला मंडळाच्या अध्यक्षा सौ.संध्या बालासाहेब शिंदे, रेडिओलॉजिस्ट डॉ.नीतीन गुरूडे, हणमंत साळुंके, सौ.मनिषा सुर्यवंशी उपस्थित होते. कार्यक्रमाचे सुत्रसंचालन एस.जी.शिंदे-पाटील यांनी केले.तर आभार प्रविण सोमवंशी यांनी मानले. यावेळी महिला, पुरूष मोठ्या संख्येने उपस्थित होते.
