मंगरूळ येथे गांधी जयंती व लालबहादूर शास्त्री जयंती उत्साहात साजरी , स्वच्छता, सत्य आणि साधेपणाच्या विचारांचा विद्यार्थ्यांना संदेश

अमळनेर प्रतिनिधी : मंगरूळ, ता. अमळनेर येथील स्व. आबासो अनिल अंबर पाटील माध्यमिक व डॉ. अस्मिता प्रतापराव दिघावकर उच्च माध्यमिक विद्यालयात राष्ट्रपिता महात्मा गांधी व माजी पंतप्रधान लालबहादूर शास्त्री यांच्या जयंतीनिमित्त अभिवादन कार्यक्रम उत्साहात पार पडला.

कार्यक्रमाच्या प्रारंभी विद्यालयाचे मुख्याध्यापक श्री. प्रकाश पाटील यांच्यासह उपस्थित शिक्षक व शिक्षकेतर कर्मचाऱ्यांनी महात्मा गांधी व लालबहादूर शास्त्री यांच्या प्रतिमेस पुष्पहार अर्पण करून अभिवादन केले. यावेळी दोन्ही महान व्यक्तिमत्त्वांच्या कार्याचे व विचारांचे स्मरण करण्यात आले.

महात्मा गांधी यांनी देशाला सत्य, अहिंसा, स्वच्छता आणि सामाजिक समतेचा संदेश दिला, तर लालबहादूर शास्त्री यांनी साधेपणा, प्रामाणिकपणा आणि देशसेवेचा आदर्श समाजासमोर ठेवला. या महान व्यक्तिमत्त्वांच्या विचारांची विद्यार्थ्यांनी प्रेरणा घ्यावी, असे मार्गदर्शन यावेळी करण्यात आले. विशेषतः स्वच्छता राखणे, सत्याचा मार्ग स्वीकारणे आणि समाजाप्रती आपली जबाबदारी पार पाडणे याबाबत विद्यार्थ्यांना मार्गदर्शन करण्यात आले.

या कार्यक्रमास संजय पाटील, प्रभुदास पाटील, राजेंद्र पाटील, सुषमा सोनवणे, शितल चव्हाण, सीमा मोरे, सीमा पाटील, प्रवीण पाटील, मनोज पाटील, खुशाल पाटील तसेच वस्ती शाळेचे मुख्याध्यापक भटू पाटील आहेर सर यांच्यासह सर्व शिक्षकवृंद उपस्थित होते.

कार्यक्रमात शिक्षक, शिक्षकेतर कर्मचारी आणि विद्यार्थ्यांनी उत्स्फूर्त सहभाग नोंदविला. गांधीजी व शास्त्रीजींच्या विचारांचे स्मरण करत त्यांच्या आदर्शांचा अंगीकार करण्याचा संदेश या कार्यक्रमातून देण्यात आला.