अनोरे गावात सत्यशोधक पद्धतीने दशपिंड व गंधमुक्ती कार्यक्रम !... "गुलामगिरी " हा ग्रंथ सत्यशोधक समाजाचा जाहीरनामा आहे : पी डी पाटील ( जिल्हाध्यक्ष सत्यशोधक समाज संघ ) मराठी वारसा या यूट्यूब चैनल वरील "सावित्रीबाई जोतिराव फुले मालिका " सहकुटुंब पहावी
धरणगाव प्रतिनिधी - (पी डी पाटील)
धरणगांव - धरणगाव तालुक्यातील अनोरे गावाचे ज्ञानेश्वर दत्तू महाजन यांचे वडील निसर्गवासी दत्तू हरी महाजन यांचा गंधमुक्त व उत्तरकार्याचा कार्यक्रम सत्यशोधक पद्धतीने पार पडला. सर्वप्रथम संत, महापुरुष व महामातांच्या प्रतिमेचे पूजन करण्यात आले. सत्यशोधक पद्धतीने विधी करत असताना सत्यशोधक विधीकर्ते शिवदास महाजन यांनी सत्यशोधक समाजाची प्रार्थना गाऊन प्रबोधन केले.
याप्रसंगी सत्यशोधक समाज संघाचे जिल्हाध्यक्ष पी डी पाटील यांनी अंधश्रद्धा व कर्मकांडापासून मुक्त होऊन सत्यशोधक विचारांनी मार्गक्रमण करावे. शिक्षण हे मानव मुक्तीचे साधन आहे.गुलामगिरी हा ग्रंथ सत्यशोधक समाजाचा जाहीरनामा आहे. गुलामगिरीतून मुक्त होण्यासाठी सत्यशोधक विधी, विवाह, दशक्रिया विधी, गृहप्रवेश करावेत. मराठी वारसा यूट्यूब चैनल वरील सावित्रीबाई जोतिराव फुले ही मालिका सर्वांनी आवर्जून पहावी व खरा इतिहास समजून घ्यावा असे प्रतिपादन पाटील यांनी केले.
माळी समाजाध्यक्ष हरी महाजन व सरपंच स्वप्निल महाजन यांनी मनोगत व्यक्त करून भावपूर्ण आदरांजली व्यक्त केली. सत्यशोधक विधीची प्रेरणा सत्यशोधक समाज संघाचे अध्यक्ष अरविंद खैरनार, सचिव डॉ.सुरेश झाल्टे यांच्याकडून मिळाली. याप्रसंगी सर्व पित्रांना महापुरुषांचे अनमोल ग्रंथ भेट देण्यात आली. रोकडे परिवाराच्या माध्यमातून शेतात, परिसरात लिंब ,पिंपळ , वड या वृक्षांचे वृक्षारोपण करण्यात आले.
याप्रसंगी मधुकर नामदेव देशमुख ( उपाध्यक्ष बी जे विद्यालय ), हरी तुकाराम महाजन (माळी समाजाध्यक्ष ), स्वप्निल लक्ष्मण महाजन ( सरपंच ), भाऊसाहेब संभाजी पाटील ( पोलीस पाटील ), ज्ञानदेव राजाराम पाटील ( विविध कार्यकारी सोसायटी चेअरमन) रवींद्र लोटन चव्हाण, त्र्यंबक रोकडे, रघुनाथ रोकडे, नामदेव रोकडे, सुरेश रोकडे,संतोष रोकडे,राजेंद्र रोकडे यासह गावातील सामाजिक, शैक्षणिक, पत्रकारिता, क्रीडा, साहित्य, राजकीय, आप्तेष्ट मान्यवर मोठ्या संख्येने उपस्थित होते.
- - - - - - - - - - - - - - - - - - - - - - - -- - - - - - - -
रोकडे परिवाराच्या वतीने उपस्थित त्यांना महापुरुषांचे अनमोल ग्रंथ भेट !
- - - - - - - - - - - - - - - - - - - - - - - -- - - - - - - -
रोकडे परिवाराच्या वतीने शेतामध्ये वडिलांच्या स्मृतीप्रित्यर्थ वृक्षारोपण !
- - - - - - - - - - - - - - - - - - - - - - - -- - - - - - - -
लवकरच अनोरे गावात मोठ्या स्क्रीनवर मराठी वारसा यूट्यूब चैनल वरील "सावित्रीबाई जोतिराव फुले मालिका " दाखविणार - हरी माझ्या ( माळी समाजाध्यक्ष अनोरे )
- - - - - - - - - - - - - - - - - - - - - - - -- - - - - - - -
अनोरे ग्रामस्थांनी यापुढे सत्यशोधक पद्धतीनेच विधी करावेत - स्वप्निल महाजन ( सरपंच अनोरे )
- - - - - - - - - - - - - - - - - - - - - - - -- - - - - - - -
रोकडे परिवाराच्या वतीने सत्यशोधक समाज संघाला 1100 रुपयांचा निधी सुपूर्त !
- - - - - - - - - - - - - - - - - - - - - - - -- - - - - - - -
ईश्वर रामदास महाजन
मुख्य संपादक - Marathi Live News
संबंधित बातम्या
अमळनेर महिला मंचच्या ४९ महिलांची पंढरपूर वारी; विठुरायाच्या ...
एका चिमुकल्या जीवासाठी माणुसकीचा हात पुढे करूया… अन्वीला उपच...
अमळनेर मतदारसंघात आ.अनिल पाटील यांच्या प्रयत्नांनी शेतपाणंद ...
लोकमान्य टिळकांचा शैक्षणिक राष्ट्रवाद म्हणजे मेंदूच्या स्वात...
अभिव्यक्ती मंच, विरारतर्फे महात्मा ज्योतिबा फुले यांच्या द्व...
आपत्ती व्यवस्थापनाला मानवी जीवनात अनन्यसाधारण महत्त्व - श्...