गणेशोत्सवाच्या पार्श्वभूमीवर अमळनेर पोलिसांचा रूट मार्च! , संवेदनशील भागांत पोलिसांची शक्तिप्रदर्शक उपस्थिती; ९ अधिकारी, ९५ अंमलदार, आरसीपी, स्ट्रायकिंग फोर्ससह ११८ होमगार्डचा सहभाग

अमळनेर प्रतिनिधी

गणेशोत्सव व अनंत चतुर्दशीच्या पार्श्वभूमीवर अमळनेर शहरातील कायदा व सुव्यवस्था अबाधित राहावी, यासाठी अमळनेर पोलिसांच्या वतीने बुधवारी (२३ सप्टेंबर) शहरातील विविध संवेदनशील भागांत रूट मार्च घेण्यात आला. दुपारी ११.३० ते १२.३० या वेळेत हा रूट मार्च पार पडला.

मा. अशोक नखाते, अपर पोलीस अधीक्षक, चाळीसगाव परिमंडळ तसेच विनायक कोते, उपविभागीय पोलीस अधिकारी, अमळनेर विभाग यांच्या उपस्थितीत हा रूट मार्च काढण्यात आला.

संवेदनशील भागांतून पोलिसांचा रूट मार्च

रूट मार्चदरम्यान पोलिसांनी शहरातील डॉ. बाबासाहेब आंबेडकर चौक, सुभाष चौक, मुख्य बाजारपेठ, तिरंगा चौक, पवन चौक, मंगलादेवी चौक, झामी चौक, आखाडा मकान, कसाली डी.पी., वाडी चौक, पानखिडकी, सराफ बाजार, दगडी दरवाजा, पाचकंदील चौक तसेच गांधलीपुरा पोलीस चौकी आदी भागांतून संचलन केले.

गणेश विसर्जनाच्या पार्श्वभूमीवर शहरातील महत्त्वाच्या व संवेदनशील ठिकाणी पोलिसांची उपस्थिती दिसून आल्याने सुरक्षा व्यवस्थेची व्यापक तयारी अधोरेखित झाली.

मोठ्या पोलीस बंदोबस्ताची उपस्थिती

या रूट मार्चमध्ये एकूण ९ अधिकारी, ९५ पोलीस अंमलदार, १ आर.सी.पी., १ स्ट्रायकिंग फोर्स आणि ११८ होमगार्ड सहभागी झाले होते.

गणेशोत्सव व अनंत चतुर्दशीच्या काळात नागरिकांनी शांतता व सुव्यवस्था राखण्यासाठी पोलिस प्रशासनाला सहकार्य करावे, असा संदेश या रूट मार्चमधून देण्यात आला.

गणेश विसर्जनासाठी पोलिस यंत्रणा सज्ज; शांतता व सुरक्षिततेसाठी शहरात कडेकोट बंदोबस्त