अमळनेरात भाजपा शहर तर्फे गोशाळेत वृक्षारोपण

अमळनेर प्रतिनिधी :- १७ सप्टेंबर हा पंतप्रधान नरेंद्र मोदी यांचा जन्मदिवस असून, भारतीय जनता पक्षाच्या वतीने या निमित्ताने देशभरात "सेवा पखवाडा" स्वरूपात विविध सेवाभावी आणि जनजागृतीचे उपक्रम राबवले जातात. केवळ वाढदिवस साजरा न करता समाजसेवा, जनसेवा आणि लोककल्याणाचे उपक्रम राबविण्याची संकल्पना म्हणजे सेवा पखवाडा होय.

यंदा २०२६ मध्येही १७ सप्टेंबरपासून सेवा उपक्रमांवर भर देण्यात आला असून, त्याचाच एक भाग म्हणून भाजपा शहर, अमळनेर तर्फे श्रीमती भानुबेन बाबूलाल शाह गोशाळा, पळासदडे रोड, अमळनेर येथे वृक्षारोपण कार्यक्रम राबविण्यात आला.गोसेवेच्या दालनात नंदनवन साकारले जावे या उपक्रमाचा उद्देश होता.

यावेळी माजी जि.प. सदस्य अॅड. व्ही.आर. पाटील, प्रा.डॉ.जयंत पटवर्धन, मार्केट संचालक हिरालाल पाटील, दिलीप ठाकूर, युवा सेनेचे अध्यक्ष प्रविण पाटील , दिलीप साळी, माजी शहराध्यक्ष विजय राजपूत, विजय पाटील, समाधान पाटील, पवन बारी, रवि ठाकूर यांच्या हस्ते वृक्षारोपण करण्यात आले.

या कार्यक्रमाचे आयोजन भाजपाचे माजी शहराध्यक्ष शितल देशमुख आणि उमेश वाल्हे यांनी केले होते.गोशाळेचे चेतन शाह यांनी गोशाळेत सदर कार्यक्रम आयोजित केल्याबद्दल आभार व्यक्त केले.