स्वामी विवेकानंद कनिष्ठ महाविद्यालय मध्ये माजी विद्यार्थी मेळावा संपन्न

स्वामी विवेकानंद कनिष्ठ महाविद्यालय मध्ये माजी विद्यार्थी मेळावा संपन्न

स्वामी विवेकानंद कनिष्ठ महाविद्यालयांमध्ये माजी विद्यार्थी मेळावा संपन्न झाला. यावेळी महाविद्यालयाचे वेगवेगळ्या क्षेत्रांमध्ये कार्यरत असलेले व वेगवेगळ्या शाखेमध्ये शिक्षण घेत असलेल्या विद्यार्थ्यांनी सहभाग नोंदविला. या कार्यक्रमाचे अध्यक्षस्थान महाविद्यालयाचे उपप्राचार्य आर बी ठाकरे हे होते. यावेळी पर्यवेक्षिका प्रा स्वाती बऱ्हाटे व समन्वयक प्रा उमेश पाटील उपस्थित होते. वेगवेगळ्या ठिकाणी यश संपादन केलेल्या विद्यार्थ्यांची माहिती व महाविद्यालयातील सोई सुविधा याबद्दलची माहिती प्रा आर बी ठाकरे यांनी अध्यक्षीय भाषणात मांडली. यावेळी माजी विद्यार्थ्यांसाठी व्हॉटस ॲप ग्रुप सुरू करण्यात आला. यावेळी डॉ श्रद्धा पाटील, तनिष्क खडके व पार्थ देशपांडे या माजी विद्यार्थ्यांनी आपले मनोगत मांडले.
या कार्यक्रमाचे सूत्रसंचालन व आभार प्रदर्शन प्रा योगेश धनगर यांनी केले.या कार्यक्रमाच्या यशस्वीतेसाठी प्रा प्रमोद भोई, प्रा छाया चौधरी , प्रा प्रज्ञा पाटील , प्रा छाया पाटील, डॉ अतुल इंगळे , प्रा दिनेश महाजन, प्रा अर्जुन मेटे, डॉ जयंत इंगळे व प्रा दिपक चौधरी यांनी मेहनत घेतली.