सुवर्ण महोत्सवी वर्षात ‘सेकंडरी स्कूलस् एम्प्लॉईज सोसायटी’चे महामानवाला अभिवादन!

​सुवर्ण महोत्सवी वर्षात ‘सेकंडरी स्कूलस् एम्प्लॉईज सोसायटी’चे महामानवाला अभिवादन!

मुंबई! (विशेष प्रतिनिधी उदय नरे)

​भारतरत्न डॉ. बाबासाहेब आंबेडकर यांच्या सुवर्ण महोत्सवी वर्षात ‘सेकंडरी स्कूलस् एम्प्लॉईज सोसायटी’चे महामानवाला अभिवादन! महापरिनिर्वाण दिनानिमित्त आज ‘सेकंडरी स्कूलस् एम्प्लॉईज को-ऑप. क्रेडिट सोसायटी लिमिटेड’तर्फे भावपूर्ण आदरांजली वाहण्यात आली. शिक्षकांच्या हक्कांसाठी आणि आर्थिक नियोजनासाठी कटिबद्ध असलेल्या व सध्या सुवर्ण महोत्सव साजरा करणाऱ्या या संस्थेने राज्यभरातील आपल्या सर्व शाखांमध्ये या दिनाचे औचित्य साधून विशेष कार्यक्रमांचे आयोजन केले होते.

​संस्थेचे अध्यक्ष श्री. चंद्रकांत बाजीराव पाटील यांच्या मार्गदर्शनाखाली हा उपक्रम राबवण्यात आला. यावेळी संस्थेच्या विविध शाखांमध्ये डॉ. बाबासाहेब आंबेडकर यांच्या प्रतिमेला पुष्पहार अर्पण करून त्यांच्या विचारांचे स्मरण करण्यात आले.

​याप्रसंगी बोलताना संस्थेच्या पदाधिकाऱ्यांनी आणि उपस्थित शिक्षक वर्गाने डॉ. आंबेडकरांचे विचार केवळ स्मरणात न ठेवता, ते प्रत्यक्ष कृतीत आणण्याचा आणि त्यांचा वारसा जपण्याचा निर्धार व्यक्त केला. लोकशाही मार्गाने शिक्षकांचे प्रश्न सोडवण्यासाठी कटिबद्ध असल्याची ग्वाही देखील यावेळी देण्यात आली.