वडोदऱ्यात महंत स्वामी महाराजांच्या ९२व्या जन्मजयंतीला भक्तिसागर; गिनीज वर्ल्ड रेकॉर्ड सन्मानाने भारतीय संस्कृतीचा जागतिक गौरव , १५ हजारांहून अधिक बालकांचे संस्कृत ग्रंथाचे समूहगान • दोन लाख भक्तांची दिव्य आरती • मोबाईल पाठशाळा व BAPS Kids चॅनेलचा शुभारंभ

वडोदऱ्यात महंत स्वामी महाराजांच्या ९२व्या जन्मजयंतीला भक्तिसागर; गिनीज वर्ल्ड रेकॉर्ड सन्मानाने भारतीय संस्कृतीचा जागतिक गौरव,

१५ हजारांहून अधिक बालकांचे संस्कृत ग्रंथाचे समूहगान • दोन लाख भक्तांची दिव्य आरती • मोबाईल पाठशाळा व BAPS Kids चॅनेलचा शुभारंभ

अमळनेर प्रतिनिधी (ईश्वर महाजन)

वडोदरा येथे परम पूज्य महंत स्वामी महाराज यांचा ९२ वा जन्मजयंती महोत्सव अभूतपूर्व भक्तिभाव, आध्यात्मिक उर्जा आणि जागतिक कीर्तीच्या साक्षीने भव्य-दिव्य स्वरूपात साजरा करण्यात आला. बी.ए.पी.एस. (BAPS) संस्थेच्या आयोजनाखाली झालेल्या या ऐतिहासिक सोहळ्यात भारतीय सनातन संस्कृतीचा जागतिक स्तरावर गौरव झाला.

गिनीज वर्ल्ड रेकॉर्ड सन्मान

इंग्लंडहून आलेल्या गिनीज वर्ल्ड रेकॉर्ड्सच्या अधिकाऱ्यांनी प.पू. महंत स्वामी महाराजांना विशेष सन्मानपत्र अर्पण केले. “Largest Simultaneous Hindu Text Recital” या विक्रमासाठी हा सन्मान देण्यात आला.
महंत स्वामी महाराजांनी रचलेल्या ३१५ श्लोकांच्या ‘सत्संगदीक्षा’ ग्रंथाचे ३ ते १३ वयोगटातील १५,६६६ बालकांनी एका वर्षात संस्कृतमध्ये संपूर्ण मुखपाठ करून समूहगान केले. यापैकी १२,७२३ मुलांची अधिकृत नोंदणी गिनीजकडून करण्यात आली — ही घटना ऐतिहासिक व अभूतपूर्व ठरली.

मान्यवरांची उपस्थिती

कार्यक्रमाला गुजरातचे मुख्यमंत्री श्री. भूपेंद्रभाई पटेल व मध्य प्रदेशचे मुख्यमंत्री श्री. मोहन यादव प्रमुख अतिथी म्हणून उपस्थित होते. केंद्रीय गृहमंत्री अमितभाई शाह यांनी पाठवलेल्या शुभेच्छापत्राचे वाचनही करण्यात आले.
मुख्यमंत्री मोहन यादव यांनी महंत स्वामी महाराजांच्या जन्मस्थान जबलपूरचा उल्लेख करत अभिमान व्यक्त केला.

नवीन उपक्रमांची सुरुवात

‘मोबाईल पाठशाळा’ – आदिवासी भागातील मुलांपर्यंत शिक्षणाची ज्योत पोहोचवण्यासाठी उपक्रम

‘BAPS Kids’ YouTube चॅनेल – मुलांच्या नैतिक व आध्यात्मिक जडणघडणीसाठी डिजिटल पाऊल

‘Insights from the Satsang Diksha’ ग्रंथाचे विमोचन

भक्तिसागराचा महासंगम

सुमारे दोन लाख हरिभक्तांच्या उपस्थितीत झालेली मंत्रपुष्पांजली आणि समूह आरती हा सोहळ्याचा भावस्पर्शी क्षण ठरला. लाखो दिव्यांच्या प्रकाशात निर्माण झालेले वातावरण अलौकिक भासत होते.
या कार्यक्रमासाठी ८०० संत, १४,००० स्वयंसेवक आणि ३४ सेवा विभाग तीन महिन्यांपासून कार्यरत होते.

महंत स्वामी महाराजांचे आशीर्वचन

महंत स्वामी महाराजांनी आपल्या संदेशात सांगितले –
“इतरांच्या आनंदातच आपला आनंद आहे. भगवानच सर्व कर्ता-हर्ता आहेत. हा सन्मान मुलांच्या परिश्रमांचा आणि गुरूंच्या कृपेचा आहे.”

जागतिक प्रक्षेपण

हा भव्य सोहळा भारतासह परदेशातील भक्तांनी live.baps.org आणि ‘आस्था भजन’ चॅनेलवरून थेट पाहिला.